日本著名動漫《龍珠》在全球都擁有極多Fans，因此唔少週邊商品營運而生，當中能夠重現漫畫中對決嘅大多都係電子遊戲，而今次介紹嘅係一款龍珠人物造型嘅特別版國際象棋，係時候將對決場地轉換一下。

由美國桌遊品牌usaopoly推出以龍珠為主題嘅國際象棋「Dragon Ball Z Collector's Chess Set」，玩法與慣常無異，只係棋子的外型加上龍珠人物，當中黑白雙方一邊係龍珠Z戰士，另一邊則係一眾反派。

龍珠Z戰士方面有主角悟空當上國王，比達係王后，主教係悟飯及笛子魔童，騎士係悟天格斯及未來杜拉格斯，城堡則係無限及18號，而最後兵則係悟天格斯吹出黎嘅幽靈小鬼。

另一邊廂反派國王係布歐，斯路係王后，主教係菲利及人造人19號，騎士係悟空阿哥拿迪斯及撒亞人立巴，城堡則係布洛尼及銀河戰士波傑克，兵則係培植人。

除左吸引眼球嘅龍珠角色造型棋子，呢副國際象棋嘅棋盤亦充滿龍珠元素，好似以七粒龍珠嘅橙色為主，並且上面亦都印上神龍。

目前呢套龍珠國際象棋只接受預訂，售價為＄59.99美元，但最快出貨日可能要等到3月4日。