因為疫情關係，相信大家近排留喺屋企嘅時間都係史無前例地多，咁你成日流流長留喺屋企有咩好做？煲劇就係其中一個最簡單方便嘅Kill Time活動。問題係睇得劇你都係想睇好劇，要搵邊套好睇又唔一定係咁容易。Netflix最新就推出本地十大排行榜，等大家更容易知道邊啲劇受歡迎！

Netflix最新推出嘅「十大熱門排行」分為總排行、電影及節目，簡單黎講就係話你知有咩內容最受本地觀眾歡迎，排名每24小時更新一次，乃係Netflix首次推出「非個人化」內容推薦。

藉得一提嘅係排行嘅顯示位置亦會變化，假如排行上嘅內容與你平時睇嘅口味相關性高，佢就會顯示喺最頂，如果唔係就可能要碌落啲先見到。