WBC重量級世界拳王金腰帶不敗對決2，最終由挑戰者Tyson Fury以絕大優勢於第7回合擊敗Deontay Wilder，成功搶走WBC金腰帶，同時送給Wilder生涯首場敗仗。

對於生涯首敗，Wilder歸咎於自己於比賽前穿起嘅服裝，佢表示著起呢套服裝係為左紀念「黑人歷史月」，但原來該服裝重量達到40磅，令Wilder腿部於比賽前承受太多重量，故此於比賽中早早失去移動力。

雖然落敗，但Wilder發動條款將會盡快與Fury再戰一場，而Wilder亦向媒體表示：「佢(Fury)根本傷唔到我，事實係出場服裝太重，第三回合我雙腳已經不受控，但係我係一名戰士，而所有人都知道我係戰士！」

另外，Wilder又非常不滿自己其中一位訓練師Breland丟出白毛巾投降，因為Wilder本人已強調過自己唔希望停止比賽，無論佢於比賽中處於咩境況，白毛巾永遠不能丟出，更何況當時仲有5個回合未進行。

對於今次因自己團隊投降而落敗，Wilder相信必定大受打擊，但幸好佢仍然可以憑住條款向Fury複賽，因此佢仍然有機會搶回其WBC金腰帶，悍衛自己世界拳王嘅寶座。