日本電子產品科技先進，但同時亦衍生出不少社會問題，其中「宅文化」就係其中之一，唔少作為「御宅族」就因為沉迷電玩或漫畫而足不出戶，而日本政府為左改善呢個問題，決定以條例限制市民使用電子產品。

據日本方面消息指，4月1日起位於四國嘅香川縣就會率先執行「遊戲防沉迷條例」，條例規定18歲以下人士平日只可以使用手機或電子遊戲最多1小時，休息日則為1.5小時，同時初中生或以下人士不准於晚上9時後使用電子產品，而高中生則於晚上10時後同樣不得使用電子產品，其中監護人需要確保以上一切明確執行。

不過由於條例過於嚴苛，大大侵犯人民自由，因此外界有不少聲音反對，雖然條例本來可能係出於好意，但結果卻可能適得其反，特別係條例竟然仲嚴過中國不少(中國限制平日打機只限1.5小時，休息日3小時)，究竟最終會唔會真係慣性執行，定會引發更多激烈行動呢？