遊戲廠商CAPCOM公開表示《生化危機3 重製版》(BioHazard RE:3)將會係 2020 年 3 月 19 日推出 DEMO 體驗版，全新online模式《生化危機：抵抗》則將於 3 月 27 日進行公開 Beta 測試。上次我地提過生化危機3意外成為疫下最受期待的舊瓶新作遊戲，後日就有得試玩，遲下仲可以約埋friend子玩連線1vs4 生化捉衣因 ，個人認為呢個先係最值得期待新玩法。約人玩啦而家抗疫最好留在家打機！

《生化危機3 重製版》的故事同內容我唔再重覆啦，浣熊市死極都死唔去又再一次返來啦。主力想推薦的反而係《生化危機3 重製版》內的網上對戰新模式，記住3月27日去試玩，遊戲內含其中一個 1v4 非對稱對戰模式，這個模式的背景設定係浣熊市，Umbrella公司暗中進行人體實驗。實際玩法係將由 4 名玩家連線扮演生存者，在另一位扮演「首腦」的玩家的監控下嘗試逃離地下設施。聽落緊張有趣，如果玩定們可以自訂服飾例如大佬又變Thomas火車去捉人就「正」爆！

【4K新觀】《生化危機3 重製版》13分鐘實機畫面曝光浣熊市殲滅再現

《生化危機3 重製版》將於 2020 年 4 月 3 日在係PC、PS4、Xbox One 推出。