Netflix絕對係一間特別的企業，尋日就推出左個為動漫迷精心打造實驗性原創手繪 4K HDR 短篇動漫《旭日》（Sol Levante），相信除左Netflix外無其他公司會出錢做呢種投資。《旭日》上架只是一部概念性的4分鐘短片，用左兩年時間去製作。有咩特別？佢打破過去日式人手畫動畫的極限，人手加科技畫4K超高解像度動漫，在業界以言是極高難度，對傳統動畫工業可謂拔出、拆毀、傾覆再栽種，咁到底是全新的4K科技進化還是吃力不討好的事？咁你肯去試驗用2年整4分鐘樣板比大家睇係好事，睇完咪比D意見，當然呢刻可能好多人都相信日本動畫多年來的成功，宮崎駿同新海誠動畫好睇過4K高清，「好地地」搞咩野4K高清動畫，相信歷史會讚揚Netflix遠見。

以下只是預告和製作講解，套短篇動漫《旭日》（Sol Levante）要登入Netflix睇！

呢套4分鐘的手繪 4K HDR 短篇動漫《旭日》（Sol Levante），將會係日本動漫發展登上另一高峰的試驗石！動漫由知名工作室 Production I.G. （作品包括《排球少年》、《追殺比爾》等）攜手打造，是繼《攻殼機動隊》後另一與 Netflix 合作的鉅作。透過 Netflix 穿針引線，頂尖動漫人才將嘆為觀止的手繪動作場面以 4K HDR 高規格呈現，並由美國團隊畫龍點睛加入沉浸式音效，據Netflix的推廣述語話“”打造出讓動漫迷熱血沸騰的作品“”呢個就由得大家睇完體驗一下，反正只是4分鐘。

動畫的做法和處理係近50年來係不斷進化演變，今次原創動漫作品《旭日》（Sol Levante）就係一次以全新最高科技匯聚藝術和科技的巔峰的試驗。目標肯定唔係現在不在於這4分鐘成敗，而係以創意科技拓展未來動漫。Netflix對投資動漫的確係有一團「火」係度，值得睇睇4K HDR規格點樣改革動漫呢？

由於近年高清HDR 規格的影視裝置開始係一般家庭迅速普及，於是就有啟發Netflix思索點樣將動漫解析度原生提升到 4K，要令創作者提供更豐富 HDR 色彩，等擁有4K電視的高階動漫迷享受到迷人的視覺體驗，先要達到 4K 解析度，而手繪稿件尺寸就必須係 B5 紙張的四倍，或使用超高解析度掃描。但由於以上兩種方案係傳統動漫業界都難以實踐，繪圖工作就必須改變成數碼化，完全靠平板電腦執行，但真正的挑戰係過去多數動漫創作者均缺乏數碼的訓練及相關設備。

大多數業界依然使用傳統技術，無法支援 HDR 規格下所需要的彩度和亮度。所以呢個是一個困難的任務。而 4K 規格對工作流程影響最大之處係於最後組合畫面時，部分影像規格是遠大於4K。故製作團隊多花左幾個月時間，進行高解析度畫面後製處理，絕對係少d熱情同決心都無法完成這項作品。

在呢部咁難做的新作品完成之後，導演 Akira Saitoh 表示，「運用4K和HDR技術，就像是擁有一雙翅膀和一具引擎，能夠在新時代之初俯瞰新局，並能不斷挑戰自我，邁向創新未來」，而作品名稱《旭日》（Sol Levante）在義大利文意指「初升的太陽」，對日本動漫更別具意義，這部作品代表著動漫產業邁向卓越的新起點，一如短片以晨曦結尾，新的動畫創意技術也冉冉升起。

 對影迷而言新的科技同技術係大家的福氣，不過一部作品最重要的係有無靈魂有無故事有無刻入人心的深度，過去好多日本經典動漫就成功做到，靠的未必係高清數字規格。希望大家比幾分鐘睇睇Netflix的雄心同新科技的成果，然後，大家一齊等睇新科技新方式製作真正可以列入「經典」的動漫創作。