香港人好像比較有智慧，TikTok並未成功入侵年輕人，不過係外國好多地區都非常流行玩TikTok抖音，經常潮興好多奇怪短片例如「賴廁所板」等等專攻青少年文化。有見及此呢塊大餅就引來YouTube的垂涎，YouTube將推出短片影音服務Shorts反攻年輕人，希望可以同TikTok抖音一較高下。 如果香港朋友想玩短片，又多個選擇，就睇下Youtube今次不甘示弱搞成點，分分鐘成為智者之選。

TikTok居然能夠係世界好多地區大流行，攻陷下一代青少年人，實在令人意外，不過相信佢好快就出現最大敵人，事關YouTube將推短影音Shorts反攻年輕用戶，根據《The Information》引述消息報導YouTube計畫推出名為Shorts的短影音內容服務，希望能與目前大受全球青少年喜愛的短影音App TikTok一爭高下。

目前多數成功的短片影音服務都係以手機獨立Apps的方式運作，而YouTube似乎希望將Shorts整合係本身Android、iOS平台應用程式內，令用家能直接使用已授權的YouTube Music音樂，合法進行短片的內容創作。如果以目前YouTube累積每月高達20億活躍人數的數據，相信可能透過短片的新方式新服務增加短片影音內容的觀看流量。

Shorts推出後，可望彌補YouTube缺少短片內容的不足，令YouTuber可以透過Shorts做短片快速曝光及即時互動等不同潮流玩法。其實唔止YouTube，好多其他公司都想進軍呢個市場，2018年Instagram推出IGTV、Facebook都推出過名為Lasso的短片服務，不過成功的暫時都仲係TikTok抖音。根據App Annie一月份的報告顯示，TikTok在過去兩年用戶的增長率超過125％，目前已擁有超過幾億用戶，形成一股無法理解但不可忽視的網絡文化。

而家玩緊TikTok的好多知名網紅同時都係YouTube頻道擁有大量支持者，相信都可能透過YouTube增加影片的曝光，所以相信YouTube推出短片專屬頻道，係會影響大家使用短片的取向，成唔成功打唔打得敗TikTok就要靠民間的智慧。