音響一詞係現今世代除左代表「靚聲」外，仲係高增值的家居藝術品，目的係提高用家的品味之餘仲可以方便欣賞音樂。德國T + A Caruso第三代一體式音響就係市場上高級音響藝術的結晶，映入眼簾的先係一個流線大方高科技優雅設計，內在係一個精致細小集CD播放，串流影音、解碼、擴大連喇叭一體音響設備，係高級家居辦公室的終極音響方案，只要你唔太在意傳統音響二聲道的要求，新型高級音響系列T + A Caruso係皇道！

T+A呢個品牌名稱代表音響技術領域的“理論與應用”（Theory and Application），故旗下最新的一體化音響系統T + A Caruso同樣充滿最新科技應用，係廠方第三代的產物，T + A Caruso第一代係2008年已經推出，係高級音響界最成功受歡迎的一體化音響產物。2013年時推出過第二代，到今年2020年，最新一代的T + A Caruso已經相當完美。

新一代T + A Caruso主體由整塊航天鋁組成外殼，結合音響所有必要元素組件，精致合一，將三大主要部份訊源、擴大機、喇叭全部巧妙集合，渾然天成。訊源方面T + A Caruso集結左CD播放機，數碼音樂串流和在線音樂及高階解碼功能。有入碟式CD播放機支援所有流行的CD格式，例如CD-DA（12厘米），CD-R，CD-RW，音樂CD，MPEG 1 Layer 3（MP3）和Windows Media Audio（WMA）等所有音樂碟類。同時，T + A Caruso的串流媒體設備能夠通過LAN連接和DLNA協議從網絡存儲資源（例如NAS或電腦PC）存取播放數碼音樂檔案。當然唔少得領先的網絡音樂播放服務（例如Tidal，Deezer，Amazon Music，Qobuz，Spotify Connect，Internet Radio等）串流式傳輸音樂的功能。只要放在家所有數碼制式玩齊。

此外，Caruso仲可以通過AirPlay 2或藍芽播放來自移動裝備的高質量無線音樂（A2DP 1.2（音頻），AVRCP 1.4（控制）/ aptX，MP3，AAC，SBC）支持Hi-Res格式（24bit / 192kHz），以及大多數音樂格式，例如AAC（LC / HEAAC）/ WAV / FLAC / MP3 / Vorbis / WMA / AMR-NB / AMR-MB / ALAC ...主機仲有3個數碼輸入位，包括USB 2.0，光纖和同軸以接收外部數音碼信號源，例如PS4等等。

講聲，作為音響產品出聲當然特別，機仔方方正正但採用2聲道高級設計，有共有7個發聲單元，2個位於正面，2個於側面，仲有一個超低音於底部。讓用家感受全方面的二聲道聲音感受。內置的驅動擴音放大器最高可達300W推動力，機仔細細但聲音輸出鴻運有力，音樂信號由DSP數碼信號處理優化適應家局環境。同任何新式無線耳機一樣，新型音響其中一種最重要的是軟件配合，德國T+A擁有完善的T + A NavigatorOS軟件平台，用家可以通過支援iOS和Android的流動T + A NavigatorOS應用程式輕鬆控制和控制Caruso的所有功能。當然，佢本身帶有遙控器，並可以Amazon Alexa智能助手進行語音控制。此外，用家仲可以通過設備正面7英寸觸控屏控制T + A Caruso，操控感同觀感都完美。

反正音響本來就係高增值工業， 係有潛力消費者嘅奢侈品，過去古代有錢人閒時買花樽古玩，現今科技世界其實你仲可以買高科技音響藝術品。