如果2019年最受期待的遊戲大作係小島秀夫《死亡擱淺》，咁2020年最受矚目之作一定係Cyberpunk 2077，作品毋懼疫情預計9月就會上市，雖然Cyberpunk風格未必人人都啱，不過 CD Projekt Red 的出品，加上The Witcher系列聲威及奇洛李維斯加持，遊戲未出已倍受期待，近日巴西遊戲分級機構對Cyberpunk 2077審查出爐，已確實列為18禁分級成人遊戲，但反而讓玩家更期待遊戲中8K高清的多元文化的開放式城市《Night City》，你估下審查結果羅列有咩成人內容？

近日有人放出8K超高清遊戲預告同遊戲試玩片段，超級吸引

根據 Reddit 論壇外地曝光一份來自巴西遊戲分級組織《Cyberpunk 2077》審查，遊戲果然列為18禁，係審查結果註明作品有好多成人內容，包括有「性化」（Sexualization），有「暴力」、「性剝削」、「裸露」、「賣淫」、「性關係」、以及「激烈的性關係」甚至肢解等的成人內容。不過玩過《巫師》系列遊戲玩家都應清晰了解，呢間遊戲廠的風格就係有好多性愛場面，Cyberpunk來講，玩Cyber SEX自然都係合情合理。不過再提提大家呢個並唔係一款以色情為主的成人遊戲。網上大家對於其成人分類有所好奇，《Cyberpunk 2077》的首席遊戲設計師 Pawel Sasko網上就係Twitter作出回應：「是否很驚訝講不出說話？We don't fuck around！」

You surprised? ????

We don’t fuck around. https://t.co/JVh851BaOI

— Paweł Sasko (@PaweSasko) April 25, 2020

《Cyberpunk 2077》遊戲係以第一人身進行角色扮演遊戲，話說你將會係一個光輝璀璨都市「夜城」。化身非法傭兵 V ，玩家可自由打造角色的生化改造裝置、技能及遊玩風格，並盡情探索一望無際的巨型城市，讓自由的抉擇逐步左右劇情與世界的走向。

《Cyberpunk 2077》原訂係2020年9月17日推出，由於全球受肺炎疫情影響加上原本CD Projekt共同創辦人Marcin Iwiński與Michał Kiciński所創立的遊戲發行商CDP早前係波蘭地區向法院提出破產保護申請，不過據知不利因素都唔會影響遊戲推出日期，現 階段遊戲會如期推出，並於PS4、Xbox One、PC Steam 等多個平台上市。