疫情下好多人開始諗點樣做產品發佈推廣，而大廠們的潮流方式係不發佈忽然直接開售，Apple係咁，Google 耳機都係一樣，最新Google Pixel Buds 2上線啦，今期目標係 Android 用戶，想大家一起來轉用Google Pixel Buds 2，蘋果用戶就由得佢用 AirPods ，不過目標歸目標， AirPods 出新耳機就會引來矚目， Pixel Buds 2出左幾日你又有無心動過先？其實呢隻耳機主打配戴舒適性和環境降噪再加上串連 Google 助理可以進行「語音即時翻譯」功能上真幾好用，個款又特別，Android友不妨留意下。

話明Pixel Buds 2耳機，當然就Pixel Buds 1的後繼版耳機，第一代嘅戰績係失敗收場， 嚟到第二代Google主力係喺軟件方面落咗唔少心思，加上有快速配對 （Fast Pair）功能可以好似AirPods 咁，不過就只能同 Android 6.0 或以上手機連成一線。用戶想啟用Google Assistant功能，只需要講「OK, Google!」或「 Hey, Google!」即可。而且強大的Google Translate翻釋功能，可即時翻譯超過40種語言，而耳機定價仲平過出面買部翻譯機？用來去旅行試玩一流。

作為一隻耳機Google Pixel Buds 2用咗12毫米驅動單體，加上雙波束成形的咪高峰和傳感器，能夠跟蹤下顎震動更加優化通話時的聲音品質。可以令上面講過的「語音即時翻譯」功能更加完善！音效上則長闊高深空間感良好，具有環境降噪功能Adaptive Sound，可以因應環境而自動調整耳機音量大細，係一隻擁有AI的強大真智能無線耳機。

Google Pixel Buds 經過幾百萬次測試後，研發出了能同人耳完美契合的佩戴角度，大幅降低因碰撞掉落的可能性。耳機提供3種尺寸的耳塞，在填滿耳腔的同時也能更有效降噪。耳機的側面有好多加強固定的細節，外層的「觸控面」卻仍平滑而精緻，適合手指的圓弧與尺寸，使用耳機播放、暫停、跳過音樂都十分舒適。

Google Pixel Buds 的續航力是5小時，再加上無線充電盒的電力可達24小時。另外，它也支援「無線充電」，手機上也能同時顯示它的充電時間。

不過耳機同時存在慣性收視，要用家轉會需要再花點心思係市場推廣上面。 Google Pixel Buds 2 共有 4 種配色可選，所有顏色都係跟白色充電盒，售價 US180（約 HK$1,415）。