本來我見到日本「他媽哥池」又推出《鬼滅之刃》版本，正想笑出來之際，發覺我真係太無知兼渺小，《鬼滅之刃》我真識條鐵，4月30號日本推出預售參考售價為 2,530 日圓，但於Amazon 發售價居然炒到26,500 日圓，養電子寵物「他媽哥池」姐，只係個面板換左炭治郎、禰豆子同埋「鬼殺隊」，機身加多個滅字，仲要等到10月先出貨。這些機會.....

話我知而家仲有幾多人有「他媽哥池」的回憶，點解佢地仲可以係呢個世代生存仲要有炒價食，呢間公司真係不得了咁利害呀。由90年代流行到而家，不停換湯推陳出新，玩法從來都只是飼養各種電子寵物，餵養、打掃、玩遊戲，照顧到隻寵物識長大同進化。睇來真正識進化的係日本「他媽哥池」公司。

「鬼滅他媽哥池」除左外型圖案設計好鬼滅外，根據玩家的玩法係花左好多心思吸引鬼滅迷，可以培育出炭治郎、禰豆子、善逸、伊之助等鬼殺隊隊員，甚至仲可以初玩的癸級隊員育成為鬼殺隊水、炎、虫、音、霞、戀、蛇、風、岩共九柱！吸引吧！玩法上都有更新，內裡重現左原作中炭治郎等人接受呼吸訓練的設定，透過劈開石頭、吹爆葫蘆、同香奈乎鬥速度等訓練增加實力，訓練得唔好會受傷，要送隱部隊治療。仲有好多小設定內容十分豐富。

出品方面「鬼滅他媽哥池」包括「炭治郎款」、「襧豆子款」、「鬼殺隊款」三種選擇，每款參考售價為 2,530 日圓，預計 2020 年 10 月上旬發售，不過我地上Amazon驚訝見到個價已被抬升左十倍............睇來呢個玩具好適合投資有道炒咩都鬼死咁醒的香港人。