{ SKIP }
文:MenClub 波特先生  圖:互聯網
POSTED ON 05 May 2020

較早前有消息指,英超賽會希望爭取於6月恢復聯賽,希望可以喺歐洲足協要求嘅8月2日前完成今季賽事。不過,以為聯賽各隊已經達成共識,準備於6月再戰之時,6支於聯賽尾嘅球隊卻聯手反對,並指在迫令英超廢除今季降班機制。

其實於早前英超已經與20支球隊代表進行視像會議,並稱已經達成共識,當聯賽恢復之時會於中立場閉門作賽。不過其後卻先後有6支球隊高層表示反對英超賽會決定,佢地分別係: 白禮頓、韋斯咸、屈福特、般尼茅夫、阿士東維拉及諾域治,而呢6支球隊正正就係今季英超最後6名。

6支球隊認為於中立場進行比賽有違賽事公正,加上閉門作賽將影響球隊收入,因此對護級球隊護級形勢及財政構成重大打擊。而佢地主張腰斬今季賽事,取消升降班制度,從而成功於今季「護級」。

要達成最終決定,英超賽事需要獲得至少14票贊成票,而消息指目前有13票係贊成6月聯賽重開,升降班制度繼續,仲有一票係未知之數,所以究竟今季英超會點實在存疑。

歐洲籃球更重視嘅係團隊
sports
【有無可能?】「籃球之神」若到歐洲打波場均只有16分?
24 Jan 2021
實力不再....?
sports
【無貨交】「寸咀拳王」Conor McGregor 2回合被打爆!
24 Jan 2021