世界的發展好兩極化，音響都一樣。一邊廂愈玩愈精分前後級訊源再分盤鐘解碼拆好多份，另一邊廂則有咁簡得咁簡。美國PS Audio就推出全新一體化兩聲道系統，簡化到一部DVD機的大細，你仲有自由度選擇想要的喇叭，馬上開聲就係一套新世代兩聲道音響。

美國PS Audio作為其中一間最享負盛名嘅發燒大廠，向來喺數碼音響電源處理方面出類拔萃，佢地的Stellar系列產品主加精致細小，全新的PS Audio Stellar Strata尺寸依舊一部DVD機的大細，但已經係整個兩聲道系統，用家只需要接對喇叭即可。 

呢部名為Stellar Strata 恆星串流解碼合併機來自其數碼達人Bob Stadtherr 先生，模擬校聲專家 Darren Myers 先生及 Paul Sir (PS Audio 掌門人 Paul McGowan 先生) 三人設計的最新傑作，出自名師自然名堂同科技滿滿。據廠方介紹所以數碼訊號輸入會經CPLD 處理器為主的 Digital Lens 數據處理系統進行時鐘重組，旨在去除一切構成時基失真的毒素。解碼環節搭載 Hyperstream 運算架構 32-bit ESS Sabre 晶片，配合3段式數碼濾波，切合不同口味取向的用家。上限達 60 kHz (-3dB) 領域，貫徹純A類全平衡直結理念的模擬輸出級，同樣設有被動式濾波網落，杜絕瞬態失真的產生機會。聽落相當科學(複雜)，但音響最緊要耳聽為實，數碼範疇ps audio算係權威。

用家可以USB介面輸入 24 Bit / 384 kHz PCM及DSD128訊號，或直接經網線同屋企的 DLNA 網絡相連，讀取規格上限為 192kHz 水平的高清串流音樂，當然主打支援 Tidal、Qobuz、Spotify、Napster 及 iHear Radio等串流音樂播放。

作為全新主力一體機種，佢前後級模擬放大都極具質素， 前級部份享有專利 GainCell™ 增益電池放大模組，輸出電平以每級0.5或1 dB方式進行調校，還同時提供左右聲道平衡修正，獨立運作的耳擴線路，擁有上佳匹配性能。後級放大則有Analog Cell 放大線路。技術上用結集差動、零迴授和純A類偏流設計，音效特性足以媲美發燒級真空管器材的高效率D類線路，選用MOSFET晶體管作為重點放大零件，於4Ω負載下每邊聲道的輸出功率被調校至 200W 水平，搭載一般中型書架或發燒級座地喇叭都可以應付自如，足以營造氣勢與幼勢俱全的震攝效果。

一部DVD大細全功能的音響一體合併機，吹到上天不如耳聽為實，音響兩個重點，第一關重點買得起，呢部價錢唔駛港幣二萬五，打工仔都應可以負擔，第二關慳地方，買左放房又得放電視櫃又得，等日後升級靈活自如，總之今朝有歌今朝醉，下下等搬大屋發左先玩音響你等到60歲先再出發大聯盟，講真「個頭近」。