香港戲院重光後的票房No.1係台灣恐怖片《女鬼橋》，港台兩地的心意愈來愈互通，尤其係年輕人的文化同喜好，《女鬼橋》成功係兩地同時都取得過票房No.1證明有相當的實力，台灣社會向來精於恐懼懸疑佈置鋪排，加上每間大學必有的恐怖故事，更加拉近投入感，呢單女鬼橋仲要係當年2018年直播發生過的真實恐怖事件，愈想愈唔敢入場睇，加上電影裡外大家呼籲「不要劇透」，老實講我「驚」。唯有諗D無咁驚的事入場，例如唔好想女鬼橋，諗下中大個條「壁屋監獄橋」人比鬼恐怖就無咁驚。

《女鬼橋》故事除了有女鬼現身的恐怖場景外，更需要觀眾一邊看一邊組織故事的前因後果，是非一般的「推理恐怖片」，提提你片尾更會有兩個彩蛋，留到最後才能破解終極謎底！彩蛋呢樣野真久違，無論在家點樣舒服睇戲煲劇，真係要入戲院感受體彩蛋先至會有電影嘅完美「飽足」感覺。 剩係呢一樣嘢已經係電影院同喺屋企睇戲好唔同嘅地方。

如果對於女鬼橋完全唔熟識嘅朋友不妨等我再簡介多次，電影由台中東海大學真實的「撞鬼直播」事件改編，相傳有一位女學生被負心男拋棄後，由「女鬼橋」上跳河自盡，自此那座橋便成為發生多次鬧鬼的靈異禁地。一群貪玩學生，半夜走到橋上做直播，沒想到直播中途拍到女鬼飄浮空中！呢個驚人畫面出現在百萬網友眼前，事件轟動全台，呢群學生亦從此失踪！四年後，新聞主持人連舒宇(孟耿如 飾)和攝影師追訪女鬼橋事件真相，不料一個驚悚難解的無間輪迴地獄，正等待著她…

睇鬼片唔驚又會覺得唔好睇，但驚到趴街我又真係唔多敢入場，老老實實呢套戲的口碑同影評都係由到帶到尾，一浪接一浪的恐嚇，加上估佢唔到的驚慌，唉，你話如果身邊有個「鬼」妹朋友，好鐘意睇鬼片，點可能唔入場睇呢套，唯一可能感到可惜的係呢個鬼妹女性朋友不是我女友，我沒有我沒有沒有........電影海報用5月8日「唔見人」三個字，我馬上就接到下一句，記住「打死人」都要帶口罩先好入場睇戲，保持社交距離，病毒「要殺人」，唔係講笑！