「反手聖光劍」相信對於唔少朋友黎講都係共同回憶，大家細個嘅時候一定有跟住動作黎做過。而相距超過20年後，《達爾大冒險》(又名: 神龍之謎) 呢套動漫早前就突然宣佈重製動畫，令一眾Fans感到驚喜！

官方最新消息指，將定今年「勇者鬥惡龍之日」(亦即5月27日) 正式發佈《達爾大冒險》動畫重製版。

《達爾大冒險》最先於1989年於「週刊少年 Jump」上連載，其後於1991年發佈動畫，其故事係採用遊戲《勇者鬥惡龍系列》嘅世界觀創作的，所以你可以發現當中唔少魔物都熟口熟面咁。

呢套動畫可以話係小篇最愛嘅動漫之一，真係好期待畫面變靚後嘅達爾展現龍紋身同出「反手聖光劍」嘅時候可以有幾型！