因為武漢肺炎傳染性嘅關係，大家都需要保持一定社交距離，無咩事都唔好聚集，因此唔少公司都決定比員工Work from home(WFH)，從而減低員工之間因為接觸而傳播病毒。其中社交媒體公司Twitter日前宣佈，員工可以「永遠」WFH，唔使返公司Office。

Twitter宣佈員工可以「永遠」WFH，原因係因為在武漢肺炎期間，公司安排員工WFH，但最終運作依然正常，因此決定有呢個安排。當然，公司依然歡迎員工在武漢肺炎疫情緩和後回公司工作的，公司Office將會繼續開放的。

WFH能否保持效率真係因人而異，你可以好分心，但亦都有人可以自律繼續高效完成工作。而WFH對於部份員工黎講有唔少好處，好似節省往來公司嘅時間及交通費，另外早餐、午餐用膳費用亦因為在家有機會可以節省。除左個人好處之外，WFH可以減少交通運輸嘅炭排放，特別係揸車番工嘅人士，將對環境有莫大幫助。

不過，WFH對於公司Office附近的餐廳或商店等可能帶黎負面影響，因為返工人數減少，亦即係用膳、買東西嘅人流減少，最終影響店舖收入。