{ SKIP }
文:MenClub 摯樂  圖:互聯網
POSTED ON 15 May 2020
【最強影音前級】丹麥Lyngdorf Audio推出入門MP-40多聲道前級處理器

玩音響的朋友要認識一位神級大師Peter Lyngdorf,旗下創立Lyngdorf Audio係世上第一間精於數碼空間較正的音響公司,啟發整個音響業以數碼作聲音較正的方向,最近Lyngdorf Audio為多聲道影音推出全新入門級Lyngdorf MP-40環繞聲前級處理器,成為多聲道除日系以外Highend新選擇,不過唔好以為入門級可以平,佢定價9900美元,只係比旗艦級便宜,當然Lyngdorf Audio的數碼科技RoomPerfect設定以至軟硬件聲音質素都係一般AV前級無可比擬,如果你有興趣踏入AV多聲道HighEnd門檻,不妨推薦你試一試Lyngdorf Audio數碼調較的魔力,無論你家居環境點差交比電腦RoomPerfect設定幫你Set好。

有必要再簡單介紹一下Lyngdorf Audio,呢個品牌源於總設計師Peter Lyngdorf,佢自70年代開始投身音響業, 係佢的親自或共同協助下建立左好多著名的音響品牌,包括丹藥DALI, NAD、Gryphon、Snell等等全部最初成名都關佢事,2006年佢係第一位同百年鋼琴品牌Steinway & Sons聯乘推出Steinway Lyngdorf音響品牌,利用佢的專業數碼空間校正技術推出可以比擬真實高級Steinway & Sons鋼琴聲音的音響產品。而Lyngdorf Audio就係佢畢生功力係丹麥創立的數碼音響公司,公司係1993年發表第一套數碼空間補償系統,通過電腦去計算同調整聲音輸出,係當時剛踏入CD數碼的年代,絕對是走得太前令當時人無法接受,如今幾乎所有AV多聲道影音前級都具備不同級別的數碼空間補償調整系統,但你想知道Lyngdorf Audio的系統已經進步到咩程度?旗下 RoomPerfect可以用AI調節無論你家居咩野環境理論上都可以提供最完美的音樂聲音體驗。

Lyngdorf Audio的環繞聲處理器其實對上仲有旗艦級別的MP-60具備16聲道全平衡類比輸出,支援DOLBY ATMOS、DTS:X PRO與AURO 3D三大最新編碼規格,使用全新HDMI 2.0b介面配置,除規格之外,強大的在於其下全球首個先進空間校正系統:RoomPerfect。透過隨附的校正咪高峰系統,有效量測視聽室全域3D空間頻譜,進而平衡能量、消弭聲道之間的落差,達到橫跨全頻譜頻段、無縫整合的聽感從任何方位、任何聲音,都好似來自於單一喇叭相同質地,絕對是追求極致影音體驗、打造私人影院的首選。而今回推出MP-40據原廠稱唯一的唔同係只12聲道解碼和16個平衡輸出,其他機能規格等全部同旗艦一樣,最大分別係MP-40的HDMI板比與更昂貴的MP-60不同,MP-40只提供3個HDMI輸入和1個HDMI輸出,並且唔可以擴充多通道AES / EBU和AES67擴展模組。音樂串流可以通過機內置媒體播放器使用,並支援Spotify Connect,AirPlay和UPnP等,擁有非常易用的Lyngdorf遠程應用程式(iOS / Android)方便操控。MP-40仲支援Roon播放應用。



除左聲音編碼規格,視頻方面,MP-40高達18Gbps的視頻傳輸量,MP-40可以支援完整的4K 60Hz視頻,包括Dolby Vision,HDR10和HLG。MP-40還支援通過新的HDR格式進行廣播HLG。聲音同影視都係當今最高規格之一。係最嚴苛的HighEnd家庭影院影音發燒友嘅終極選擇, 呢部Lyngdorf Audio MP-40定價9900美金,作為最高級嘅hi-end前級, 到底係平定貴就隨你演繹,不過有一樣題外話要提醒大家, 選擇買嘅話記得保留所有原裝包裝盒開完箱唔好掉,因為根據過去嘅經驗上一代MP-50環繞聲處理器係可以得到終身升級的權利,大家可以當有新型號推出時提出升級的要求,當然要比錢,只要將原廠包裝原機寄返去丹麥(升級其中一個要求要有原裝包裝箱),就可以得到升級最新型號的優惠,來回空運等費用就自理,但作為最執著的發燒友,你唔會同我計運費吧?

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024