{ SKIP }
文:MenClub 摯樂  圖:互聯網
POSTED ON 22 May 2020
【倒果為因】Christopher Nolan時空逆轉神秘概念電影《TENET 天能》第二波預告

無論有無疫情,全年只能選一部電影入場,Christopher Nolan執導嘅《TENET 天能》肯定係最受注目的選擇,自從Inception《潛行凶間》之後,已經好耐無一部電影可以未上畫已經教人頭腦發熱,《TENET 天能》能夠毋懼疫情也無懼時空,感覺神秘而又強大,由最新預告表測《TENET 天能》就係時間「逆轉」能力,即倒果為因,睇完最新第二個預告,我都唔係十分理解。「天能,那會打開正確的門,同時也會打開不正確的門。」「時間將至」「是比未日更兇險」我覺得我地正正活係《TENET 天能》當中,唔信?你打開新聞打開社交媒體望望,Nolan話燒腦逆轉《TENET 天能》7月份開估!


Christopher Nolan電影的特點係保密,又或者個意念太前衛複雜,拍完的演員都未必知做緊咩野,尤其見到預告中所有野包括船行的波浪水花都係逆轉倒頭,成套戲係逆向咁發生,充滿詭異。早前其實已經發佈左首輪預告,但依然充滿謎團,相信可能同Inception《潛行凶間》一樣,就算你睇完都唔係人人馬上可以消化。難得呢部作品係疫情底下從來未聽過話會考慮延期,相信鐵定如期七月上演,而華納影業喺呢部電影身上未計宣傳費已經駛咗兩億美元,絕對係信心十足,神秘但備首期待。

肯定如果你對呢套電影有興趣嘅話預告片你都唔止睇一次,然後你還在思索到底故事重點?從《TENET 天能》預告來睇,時間「逆轉」能力,似乎正是天能的重點,可以令事物出現「逆轉」的狀態,而電影的標題亦都似乎呼應「時間將至」。二次的預告中內容都提及要做的任務係「比第三次世界大戰更糟的事」,戰爭係有勝有負比起戰爭更嚴重嘅東西究竟係乜嘢呢?今時今日呢個話題嘅理解能力相信係會比昔日高?Christopher Nolan功力強在於佢拋個波概念出嚟已經可以令到大家頭暈轉向腦筋發熱。

《TENET 天能》由John David Washington、羅拔柏迪臣(Robert Pattinson)及Elizabeth Debicki主演,不過大家要關注的其實係導演基斯杜化路蘭,有出品絕對有保證,必屬佳品。《蝙蝠俠—夜神起義》《潛行凶間》《死亡魔法》《凶心人》,鐘意以上作品的斷估都會衝入戲院睇《TENET 天能》。




 




《天能》預計將於 2020 年 7 月16日上映。

紀錄片將會回顧李小龍上世紀60年代到美國發展的歷程,特別著眼於他作為一個亞洲人,要於當時的美國荷里活佔一席之地所而對的歧視及困境,到最後以實力令美國人改觀。 ... ... ...
hobby
Be water my friend ESPN下周推李小龍紀錄片
03 Jun 2020
【AI搶飯碗】微軟率先解僱網絡編輯交由AI人工智能負責寫新聞出貼文 世界每日進步唔少工作都會隨歷史而消失,就好似巴士售票員同埋打字員已經消失喺歷史洪流當中,下一個被消失的工種可能係網絡甚至新聞編輯。微 ...
hobby
【AI搶飯碗】微軟率先解僱網絡編輯交由AI人工智能負責寫新聞出貼文 ...
03 Jun 2020