{ SKIP }
文:MenClub 摯樂  圖:互聯網
POSTED ON 22 May 2020
經典遊戲《食鬼》40週年Amazon將會重新包裝Twitch版本網上任玩

今日有啲乜嘢開心嘢可以講? 原來今日係著名經典遊戲《食鬼》 誕生40週年紀念日,40年前今日食鬼首次喺日本以街機形式推出, 如今已經成為全球知名的經典圖騰,為左紀念一班中佬,美國Amazon 將把呢個經典遊戲重新製作推上並放上旗下的 Twitch 上畀大家任玩。

《食鬼(PAC-MAN)》原來誕生於 1980 年 5 月 22 日,當年由Namco遊戲設計師岩谷徹開發,一推出就風靡全球大街小巷,顛覆當時人對於電子遊戲的睇法,成為第一個成功攻取女性以及兒童玩家的遊戲先驅。佢作為一個遊戲嘅啟發性遠遠大於遊戲本身,無論係遊戲機制、AI 的設計理念,《食鬼》遊戲啟發左全球無數後繼的遊戲創作者。係遊戲的時代先驅,革命祖宗。

《食鬼》已經成為最經典別樹一幟的遊戲文化圖騰,佢比任天堂更早成名,老過 Mario ,好多概念設計都曾引用《食鬼》電玩角色,大家一望就知呢個半圓形就係《食鬼》,到今時今日依然深入民心。Amazon Games 預計將會係六月份係 Twitch上面重新推出呢款經典遊戲,遊戲唔需要下載只需要打開 Twitch 找到 「 PAC-MAN LIVE STUDIO 」就可以玩,而今次重推的《食鬼》會有三種模式玩法。

第一個模式叫Endless Mode,呢個模式可以同網上好友共同過關累積積分,每人每關只有一條命,支援全球排名。

第二個模式叫Maze Creator,迷宮創作者模式下玩家可以自行設計關卡等其他人來挑戰。同時也會依據遊玩次數多寡來排名。

第三個模式當然也是各位中老年人是喜愛的經典模式(Classic Mode)」,係這個模式下,玩家可以單純的體驗 1980 年代食鬼的真諦。

遊戲從來都係簡單就是美,食鬼就是遊戲的經典,最簡單的創舉,你今日食左未?




距離佢於Twitter宣佈參選不足兩個星期
hobby
【Kanye West】宣佈參選11日 Kanye West退出總統選舉
15 Jul 2020
貴豐踏入35週年的2020年,特別推出 旗艦級別的線材系列Vanta,配搭最高級的HIGHEND音響,最先進技術工藝設計同最高貴細節,根據唔同類型的線材,價格預計係3,000歐元至20,000歐元以上,盡顯派頭,Gryphon就係零舍唔 ...
hobby
【高貴頂峰】丹麥Gryphon Audio 推全套旗艦音響線材Vanta系列
15 Jul 2020