{ SKIP }
文:MenClub 摯樂  圖:互聯網
POSTED ON 25 May 2020
【佛系解約】唔駛揸刀長期唔睇Netflix會主動幫殭屍帳戶解約保障大家

過去綑綁式合約盛行,如果你簽左約最惡劣情況係要衝上營運公司作勢斬人先可能取消到合約, 不過世界變化一日千里,美國Netflix就推出主動式提醒長期唔用的客仔,如果你忙到唔覆短訊唔理email提醒都係唔得閒去煲劇睇片,Netflix就會主動幫你解約唔收你錢,係咪好貼心呢?原因?社會責任再加上AI年代,大數據先行,你長期唔用影響AI整合數據為需要的用家推薦喜好,正所謂唔睇過主唔好阻住AI電腦計數。

係過去舊世代我地好難理解會有公司為訂左比左錢的客戶省錢,不過你長期係舊世代等收成期係理解唔到世代變更,好多人都試下睇某一兩套心愛的劇集就開始訂閱Netflix,但煲完之後就會忘記,久而久之到收錢一刻睇返帳單先發覺比左月費,自動續約絕非罕見,好多時我地都會有呢種情況。甚至經常會喺消費者委員會投訴類別中睇到同類嘅消費糾紛。

近日開創包月租用服務始祖之一的Netflix率先破格宣布要幫助長期唔用嘅用戶慳錢, 如果你有一年冇登入個帳號冇睇過netflix嘅片就會提醒詢問你到底需唔需要繼續續約, 如果你唔覆佢netflix就會主動取消你哋會員資格幫你慳錢,不過唔駛太開心呢種佛系解約係需要你畀足一年嘅錢先會發生, 所以其實如果你成年都畀足曬月費, 解唔解約慳唔慳錢對你嚟講其實都冇咩所謂。

如果同一般公司相比起來呢種做法的確係相當罕見,主動掃除殭屍帳戶到底對Netflix有咩好處?Netflix採用「月費制」、每個月收錢一次,但如果用戶無主動取消訂閱,系統就會自動續約,無論你睇多睇少都係一個數目。不過Netflix主動幫殭屍用戶解約實際上就係幫自己賣廣告去吸納有興趣嘅真正用家,又可以賺名聲一盡社會責任。 Netflix強調,被取消的用家如果係10個月內重啟帳號,之前的片單、用戶資料、睇片紀錄統統可以完整保留。

四月份嘅數字顯示現有嘅付費會員人數全球達到1.83億,而被netflix列為非活躍用戶嘅人數大約有幾十萬其實只係佔據整個串流平台會員人數0.5 %。用呢0.5%遲早都會Cut的用家去拉攏消費者的心其實大有效益。Netflix使用AI推薦為主,喺成千上萬嘅影片資料庫當中根據客戶煲劇睇片紀錄使用習慣嘅數據分析讓用家可以選擇最適合佢哋自己嘅片單,清除殭屍用戶實際上亦都係提高AI數據分析嘅精確度,讓大數據更具有價值,而AI實際上先係Netflix嘅強項,未來大趨勢。



如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025