除左Sony Playstation 外，遊戲玩家一定唔會唔記得曾經顯赫一時嘅SEGA，今年已經係SEGA 創立 60 週年，據聞10月將會推出超有趣的骰縮細版 「GAME GEAR micro」，其實GAME GEAR可能係最好的彩色手提機，當年只差一點點續航力，新出呢部3份一大細比例，著到機玩到，真心好得意，SEGA迷必入！

日本SEGA 集團社長里見治紀係 SEGA 創立 60 週年紀念官方網站的專訪中，宣佈將推出手提遊戲機「GAME GEAR」全新紀念縮細版「GAME GEAR micro」。

「GAME GEAR」係1990年10月推出係第一部彩色液晶體顯示手提遊戲機，硬體規格係當年係大勝任天堂 Game Boy。不過呢部機每次要入六粒 AAA 電池，而且續航力非常低，若使用當時一般平價電池玩，電力不足一小時，轉用鹼性電池雖然可以撐過 1 小時但都唔能夠撐足 2 小時，總之非常之食電同唔耐玩。講返今次推出嘅復刻版本，係真遊戲機，不過就將前主機縮細， 尺寸大約係三分之一嘅比例， 有趣係按鈕部分有配合實際操作性而調大比例。

呢部細細GAME GEAR micro本體大細 80mm X 43mm X 20mm掌心雷大細。日本將於 10 月 6 日發售，共有黑、藍、黃、紅 4 種顏色，每種顏色的主機內都各有 4 款遊戲，遊戲清單上面官方影片有介紹，單款售價 4,980 日圓，日本將會推出一次過購買四色套裝，可以獲贈一如同當年的放大鏡周邊。此外， 早前網絡有謠言話美國微軟將會收購世嘉，孰真孰假就要等明日六月四日世嘉即將會有重大公報！