Banksy日前更新IG，上載最新作品，圖中為一個喪禮場合，相中人只有一個全黑身影，旁邊則放上鮮花蠟燭，蠟燭更慢慢點燃掛於上方，黑白班駁牆上嘅美國國旗。Banksy亦有配上文字，話本身覺得自己應該收聲，聽下黑人嘅聲音，但後來改變主意，因為「這不是他們的問題，是我的問題」。然後直指有色人種是被制度——白人制度——所誤，情況就好似一間屋嘅水管漏水，令到樓下嘅人生活艱難，而要修補水喉嘅唔係樓下嘅人，而係漏水單位嘅業主，亦即係白人。Banksy仲警告，「如果白人唔解決問題，就會有人走上來把你的門踢開」。