早在大家開始戴口罩，甚至當年沙士嘅時候已經有人講，個個都戴罩之後條街好似多咗好多靚女咁，搞到依家喺街見到「疑似」靚女，都係擔心只係口罩嘅加成，欺騙我嘅感情。近日台灣就有個女仔因為戴口罩嘅美貌成為網絡熱話，更出奇嘅係佢仲唔係台灣人黎添！

講緊嘅就係呢位亞里沙啦！今年30歲嘅佢喺日本青山學院大學畢業之後被星探發掘，由OL變成演員，後來又出過寫真集同寫真DVD，但講真就唔算紅嘅，最後演藝生活持續咗三年左右，到2015年就完咗。今年2月開始佢為咗學中文而去台灣旅居，日本背景加上亮麗外貌、完美身材吸引大量Fans，近期更因為一張戴罩靚相而登上台灣新聞，上IG睇佢啲相更係戴罩靚，唔戴罩更靚！