{ SKIP }
文:MenClub 摯樂  圖:互聯網
POSTED ON 26 Jun 2020
【實用為上】Sony推全新EXTRA BASS無線藍芽隨身戶外派對喇叭

Sony係一間好特別的影音企業,佢自成一國係音響迷的角度從來都唔將佢放入音響界,舉例電視好多人覺得其原設嚴重偏色唯美,喇叭則Sony好像從不重視,不過其實用過Sony的人好多一試返唔到轉頭,就係鐘意佢誇張獨特的調節,你睇佢電視色水幾咁鮮豔?!近年熱賣的流動無線喇叭EXTRA BASS,Sony都有出齊大中細版無論音效設計燈光外型都特別誇張,老老實實外觀我係接受唔到,設計好似係二手車度偷出來咁,不過原來去到戶外,佢聲大大重低音加埋彩光係堅實用,所以話Sony係總有賣點有人要!不過我都係要接受唔到佢個樣!


EXTRA BASS系列的無線喇叭係Sony推出專為戶外派對而設的無線藍芽喇叭,家族成員有三位分別為 SRS-XB43、SRS-XB33 和 SRS-XB23。三款喇叭除左大中細尺寸上分別,均支援藍芽連接、對應 NFC、USB-C 插頭、IP67 防塵防水級別,並能充當攜帶電源向手機充電。系列顧名思義就係隨時隨地播放強勁節拍的重低音聲效。Sony全新研發的X-Balanced喇叭單元實現優越音質及強勁聲壓,提供更豐富、更深層次和更精彩的聆聽體驗。非圓形單元充份擴展喇叭振膜的面積,從而增加聲壓使低音更雄渾有力。它更可保持相同聲壓的同時減少驅動器偏移,有效地減少失真。例如,XB33與之前型號(SRS-XB32)相比,聲壓增強約30%,而失真率降低約25%。


功能上全新款式EXTRA BASS系列主要提供「四防」功能方便大家攀山涉水戶外派對,四防即係防水、防塵和防撞同防銹。其中最細小的SRS-XB23無氣氛燈光但小巧輕盈方便攜帶。由於佢地系列喇叭全部具有IP67防護等級,所以帶去海灘泳池都可,仲特別聲音喇叭能夠抵抗咸水,不過千萬唔好以必抵抗咸水等同潛入咸水,我相信掟佢入海水當中都係死硬,唔信大家可去咸水箱做實驗。防撞方面喇叭據稱經過廣泛的衝擊測試,採用最新的抗震耐用設計,可以承受日常使用中無可避免的碰撞和刮花;即使無心之失將喇叭跌在地上,它亦可以繼續操作,但同樣唔代表佢識跳樓,唔好係二層樓以上掟落去玩實驗!此外,佢特式設計在於有燈光可以令音樂播放時增添氣氛,機身上有多款顏色線、播放時可以有燈光點綴,晚間泳池邊派對一流。


聲音方面,Sony的音響文化同傳統音響要的唔一樣,佢著重超低音同節奏感,使用同傳統喇叭單元的圓形振膜不同,XB43配備的X-Balanced喇叭單元具有接近矩形的振膜。兩路發聲系統將中低頻率的低音喇叭和適用於較高頻率的專用高音喇叭單元結合埋一齊,輸出強勁聲效、沉厚的重低音和出色的人聲清晰度。喇叭內置堅固輕巧的雲母震膜(MRC)錐體和防塵蓋有助於提升音質。三個型號側面的無源反射器設計也經過優化,可重現清晰的低音。內置有LIVE SOUND模式帶來立體聲音體驗,令派對仿如置身現場表演一樣。仲可以使用“Fiestable”伴隨的應用程式直接以智能手機創造仿如置身其中的派對感覺 -燈光與節拍同步閃爍,或更改顏色以配合氣氛。續航力強大,仲可以玩足24小時。

不過老老實實,我個人對論佢的外觀設計表示「唔喜歡」,佢個樣好像汽車喇叭拆落當隨身喇叭用,太過實用主義,我情願佢可以花巧少少考慮一下用家的形象!呢個Sony全新EXTRA BASSTM無線揚聲器SRS-XB43、SRS-XB33 和 SRS-XB23分號大、中、細定價係SRS-XB43HK$1,699,SRS-XB33HK$1,249,最細隻無燈的SRS-XB23HK$849,大家有興趣不妨可以入手。

因腦部動脈瘤去世
hobby
【RIP】《Mythbuster》主持Grant Imahara逝世 享年49歲
14 Jul 2020
全球唯一可避過這場空前浩劫的,就只有位於北極圈的格陵蘭。我們不是嚇大的!但而家見到人類會滅亡的末日浩劫電影,個心真係離一離成個人寒一寒! ... ...
hobby
【有點驚】災難片大型隕石群擊地球24小時逃亡去《末世綠洲》求生 ... ...
14 Jul 2020