{ SKIP }
文:MenClub 摯樂  圖:互聯網
POSTED ON 30 Jun 2020
【慳得就慳】iPhone 12傳唔再跟機附贈USB充電器及有線耳機極致簡約

根據知名蘋果分析師郭明錤報告,指出蘋果今年秋天即將推出的iPhone 12將會極致簡約,除左主機體同一條Lightning連接線,就咩都無!即係取消跟機附送的USB充電器同EarPods有線耳機等配件。一為成本二為環保三為改變用家使用習慣,唔知會唔會激嬲「果粉」?不過相信香港「果粉」最期望的其實只係如果回到當年,借埋財仔炒iPhone 那些年,大勢已去!不過有網傳基本版可能減價只賣649美金?如果平左少左附件都好正常。



市場認為,蘋果iPhone 12將唔再提供充電器及耳機等配件,主要是原因在於減省支出,尤其蘋果新款iPhone 12將首度加入5G連網功能,零件的成本居高不下,故此在新機盒裝內取消提供USB充電器與EarPods有線耳機,係立竿見影有效控制新機成本支出的方法。 當然呢個亦都係符合環保嘅大勢,又可以刺激新款無線充電器以及無線耳機嘅銷售。可謂一石三鳥。


睇埋從前,蘋果係iPhone 7開始取消提供3.5mm耳機插位,當時係盒裝內提供Ligtning轉3.5mm耳機孔轉接配件,意圖改變用家使用習慣,後來到左iPhone XS之後就不再提供耳機轉接配件,使用者只能夠透過外購Lightning連接頭的EarPods有線耳機,或者最直接改用AirPods等無線藍芽耳機。故此今次唔再跟USB充電器與EarPods有線耳機,好可能表示將主力推動獨立銷售且支援更快充電效率的新款充電器或者提升無線充電裝置的使用率。此外,減少附件將更精簡iPhone 12盒包裝設計,同時降低盒裝體積,因此,蘋果將可以係同樣貨運空間運送更多手機,降低貨運成本。


蘋果近年加大環保力度, 除咗包裝盒設計簡約仲大量導入可以回收嘅材料,例如使用符合環保的大豆印料印製盒裝的設計,減少紙材使用,為地球出少少力!反正蘋果做的都係創新善行,唔送有線耳機都係知你用唔著唔浪費,絕對良心企業!



如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025