好多人好耐無打機，自從祖國「和平精英」死左識揮手後，牆外世界其實相當精彩，自從 Call Of Duty: Warzone今年三月，推出遊戲跨平台免費對戰的大逃殺模式大獲好評，相信無人會返去牆內揮手道別。今日Call Of Duty: Warzone全新第四賽季仲會提供免費更新，將每場跳傘大逃殺最高同場人數由150人提高到200人，相信無論對玩家定伺服器來講都會係非常刺激。Call Of Duty呢種咁血腥的遊戲，好彩中國政府道德高尚和平精英，封哂國內小朋友免受荼毒就最正確。

根據官方通告，今日新改版係第 4 季季中改版，會為遊戲帶來新的特戰兵角色「Roze」，新的地圖「Cheshire Park」，新狙擊槍「Rytec AMR」，以及「Team Defender」等各種新多人模式。最大期待係可容納200人的戰局，不過到底愈多人愈好玩定還是人少少反而打得燦爛就要玩家自己體驗先知。

Call Of Duty: Warzone由於免費加跨平台，無誰PC ,PS4定Xbox用家都可以下載加入，所以玩家人數超多，三月一推出馬上突破 2000 萬大關。同所有同類網絡遊戲一樣，最大難題除左伺服器負擔能力就係外掛問題，所以廠方之前公告方式係將所有使用 VPN 的亞太地區玩家痴癡呆呆坐埋一枱放哂一齊隔離分開。如果大家有玩開或有興趣參加大亂鬥大屠殺，今日之後就可以更新一試成為200人的砲灰，當然不幸死左遊戲會送你入去監獄參加監獄重生1vs1決鬥，未到你都可以外圍旁觀掟石助興，的確幾過癮好玩！