7月最受矚目的電影肯定係《屍殺列車》續集《屍殺半島》，4年前當屍殺列車上映期引發熱潮，不過當時電影中的末日情懷實際上未完全引起共鳴，但今時今日人類似乎聞到末日氣息，即使喪屍真係出現係現實，感覺都不足為奇！《屍殺半島》的故事設置好寫實，生還者逃離韓國，重點係日本唔願意接收，唯一肯收留難民的居然係香港，當然人地係收留你做難民，肯定你會飽受歧視，你估家破人亡仲要慶祝移民成功？作為『後末日電影』(post-apocalypse genre)《屍殺半島》係通過萬物毀滅、秩序重組的設定來突出人道主義，香港人對於呢種「後末日世界」同喪屍攬炒互相殲滅有特殊心得同感受，想釋放一下，相信入場睇如何對「死」喪屍大開殺戒，會非常刺激興奮。

好多人覺得呢套續集唔係好夠續集，好像同前作唔係好連接，上次明明講火車逃亡去釜山，咁個故事點解接駁去香港？因此，電影公司整左個《屍殺列車》加長版本，交待一下上回未談及的故事後繼發展，《屍殺列車》加長版本將重新上映，如果你肯定自己要買飛入場重新睇多次《屍殺列車》，咁你唔好睇我劇透，睇到呢到可以「閃」，1...2...3...話說4年前從生化工廠意外流出的喪屍病毒已經蔓延整個韓國，加長片段中講述了韓國在１日內完全失守，所以即使你搭火車去到釜山，實際上都無法倖免，當時唯一的希望係座船離開，未感染的人都打算登上難民船逃出喪屍煉獄。由姜棟元飾演的退伍軍人正錫一家駛往碼頭途中遇到家庭求救，但自身難保的正錫拒絕了請求。滿載著生還者的難民船成功駛離韓國向日本進發，但卻中途轉向唯一肯收留韓國人的香港，船上各人都以為到達香港後即可開展新生活，誰知正錫的姐姐以及侄子身處的船艙中竟有受到感染的人！被喪屍弄得家破人亡的正錫最後輾轉來到香港展開難民生活，但卻飽受歧視，生活困難的他才被引誘加入回國竊取巨額美金的行動，希望可以藉著獎金重新開始。而呢個就係第二集的故事背景。

實際上無論講唔講得通，有無畫蛇添足之舉，《屍殺半島》我肯定支持，因為我心中有鬱結，好想睇佢地殺回朝鮮，正所謂邊到跌倒就係邊度起返身，再一次重回已全面感染嘅朝鮮半島，殺戮喪屍，人屍大戰、車戰、槍戰劇戰肯定非常刺激深具趣味，每日面對苦難和恐懼，見到喪屍我唔係想你康復變返做人，我只想睇係你腦袋多開三槍，轟你稀巴爛！！

 故事大綱 ：

香港史上NO.1賣座亞洲電影《屍殺列車》暑假飆速殺入香港！上集列車駛往釜山後，喪屍病毒瞬間全國爆發，4年後的韓國屍毒遍野，被全球孤立，淪為死城。所餘無幾的生還者踏上最後一艘難民船，離開被世人遺棄的朝鮮半島。退伍軍人正錫(姜棟元 飾)和家人有幸登上難民船，但一上船便發現喪屍潛伏，幸得香港收容，這批韓國人才得以上岸，以「半島難民」身分在香港重新生活。但正錫受不住金錢誘惑，加入了一個回國竊取巨額美金的行動。他和隊友重返韓國，竟然發現仍有一班未受屍毒感染的人在掙扎求存，正錫決定帶這班倖存者逃生，他們最後能否成功逃出屍殺半島？