{ SKIP }
文:MenClub 摯樂  圖:互聯網
POSTED ON 14 Sep 2020
【隕石病毒】災難片《末世綠洲》大型隕石群擊地球粒粒有毒速逃

早前講過套關於隕石襲擊地球的新電影《末世綠洲》,最新經孔子學院科學家認證話一粒隕石碎片已經可能帶有新冠肺炎病毒,而家好多好多隕石撞擊地球,一粒一隻新型病毒唔爆死都肯定病死,聽講套戲話鬥快去到格陵蘭庇護站可免一死,可能玩法係七大洲的人類全部冚家富貴,等大家死哂挪亞方舟式生還,生還者就可以大大聲講病毒真係來自外太空!9月24日大家可以入場睇戲學習如何係隕石滅世下留返條命證實外太空隕石的大陰謀。

由細到大大家睇左幾多末日災難電影,從來都係帶住爆谷笑住入場,我們不是嚇大的!但而家見到人類會滅亡的末日浩劫電影,個心真係離一離成個人寒一寒!講真我唔驚大爆炸,但我驚又有第二個新新型新肺炎、新型肝炎、新型腸胃炎由隕石群帶來地球。我已經估到第二集可以點拍啦!不過第一集我都未睇!由《殺神John Wick》製片家Basil Iwanyk出品全新末日之作《末世綠洲》(Greenland),講嘅係足以毀滅全球嘅天外巨大隕石群,由《白宮淪陷》Gerald Butler主演帶全家一定要逃亡去唯一希望格陵蘭嘅庇護站。話你知金星本來係地球的前世,就因為大型隕石撞擊以致地殼大爆裂長期火山爆發永恆溫室效應搞到金星表面800幾度高溫,歷史總係重覆,24小時點「著草」去格陵蘭,如何係天滅中,共存亡肯定膽戰心驚緊張刺激!!


當你確信原來電影的有可能係真實時,你可能未必夠膽再睇科幻災難片,不過也可能你愈發想睇,從而學習到底災難來臨,我地可以點樣應對同求生。今次災難係地球面對突如其來嘅巨大隕石群,John Wick Film Series紅爆荷里活的製片家貝索伊雲尼克(Basil Iwanyk),加上《白宮淪陷3:天使淪陷》(Angel Has Fallen)賣座導演里羅曼華夫(Ric Roman Waugh)執導,製作肯定刺激讓人驚喜連連。《白宮淪陷》( Olympus Has Fallen)系列動作型男謝拉畢拿(Gerald Butler),誓於地球殞滅之前,帶領家人逃到位於格陵蘭的庇護站。《死侍》系列(Deadpool Film Series)性感女神莫蓮娜芭卡琳(Morena Baccarin)、《叛諜追擊》系列(Bourne Film Series)性格男星史葛格連(Scott Glenn)聯合演出。


全球77億人,有幾多可以係呢場災難中得救,放心一定有人得救,但唔知係唔係你,如果你信政府一定有人叫你乖乖留係家中安全的地方等國家的救援,國家人民解放軍會穿著「尿片」不眠不休救護大家,24小時之內要去格陵蘭救生?這些都是假新聞官方電視台唔會讓你知道!9月24日香港隆重上映,睇來係求生教學電影,大家唔好錯過入場學野!


《末世綠洲》(Greenland)劇情:

彗星「奇克」撞擊地球,其碎片將變成無數高溫隕石,於24小時內墜落各地,摧毀一切,造成令人類幾近滅絕的巨災。全球唯一可避過這場空前浩劫的,就只有位於北極圈的格陵蘭。約翰(謝拉畢拿 飾)與分居妻子愛麗(莫蓮娜芭卡琳 飾),跟所有人一樣,不管生存機會有多渺茫,仍只想帶著獨生子拚命逃往格陵蘭的庇護站。隨著地球進入最後倒數,致命危機分秒來襲,全球77億人口,有多少可以登上這片綠洲?


上映日期:即將

導演:里羅曼華夫

主演:謝拉畢拿、莫蓮娜芭卡琳、史葛格連

語言:英語(中文字幕)

片種:災難│動作│驚慄



音響專家 Sennheiser 推出左小巧咪高峰MKE 200,唔單止可以連接至數碼單鏡相機及無反光鏡相機,亦可用於智能手機,只需接駁和連線Plug and play即可使用直線收音,防噪吸震,寧靜可靠化繁為簡! ... ...
hobby
【高質收音】Sennheiser 輕巧隨身MKE 200收音咪隨地精準收錄故事 ... ...
22 Oct 2020
近年演過Joker嘅演員有三個,Heath Ledger、Joaquin Phoenix,以及Jared Leto。而又好不幸地,同前兩位贏盡口碑嘅演出相比,Jared Leto版本嘅Joker迴響最少,亦令呢個角色只係曇花一現地於《Suicide Squad》中出現過 ...
hobby
【影視】Zack Snyder版《Justice League》加入Jared Leto版Joker
22 Oct 2020