美國人有福了，本來迪士尼最強檔期巨獻真人《花木蘭》唔係電影院上映，反而 9 月 4 日可以係串流平台 Disney+付費睇到，但價錢定為 29.99 美元，如果你身處海外愛國愛家畀240元睇保家衛國《花木蘭》絕對係愛國小粉紅不二之選！

迪士尼真人電影《花木蘭》（Mulan），上映檔期一再更改，因為疫情的衝擊如今不會再安排戲院上畫，但就轉成迪士尼旗下串流平台 Disney+ 九月皇牌節目，不過收費好像有點貴。值得一提，當消息傳出Disney+訂戶將可以獨家觀賞《花木蘭》後，8月4日的迪士尼股價居然可以盤後彈升4%，花木蘭足以刺激股價上升，利害！

當然，收得貴好可能因為成本貴，真人版《花木蘭》製作耗資 2 億美元，係僅次於《獅子王》（The Lion King）的龐大製作。演員陣容包含著名中國影視紅星劉亦菲、甄子丹、鞏俐和李連杰等等。

值得一提的，疫情下的新改變會唔會一改大製作必須先上戲院的舊式思維，從而以後可能製作一級電影唔一定先係戲院上畫，可以直接或同時係串流平台上映，改革電影界的生態？如果你擁有優質家族影院設備，即玩HIFI級影院，其實上串流平台可能正過去戲院。不過《花木蘭》來講一來香港未有Disney+ 頻道，二來有得選擇香港觀眾未必會選擇花木蘭。最後請求 Disney+ 盡快來港開通串流平台！