曾經，翼鋒球員巴利以破C朗及世界紀錄嘅轉會費1億歐元加盟皇馬，並被銀河艦隊寄予厚望。可惜，轉會皇馬後巴利表現起伏不定，近年甚至每況愈下，如今已經被領隊施丹投閒置散，離隊睇怕只係時間問題。

更令巴利感覺唏噓嘅，相信係佢嘅身價跌幅遠超想像...最新嘅身價統計指，巴利目前身價只係2800萬歐元，跌幅達到72%。作為對比，目前皇馬陣中嘅19歲年輕日本小將久保建英估算嘅身價已經達到3000萬歐元，比巴利嘅身價仲高出200萬歐元。

其實都唔難理解上面呢個情況，一個得19歲有天賦，未來仲有大把世界；另一個已經31歲，身體機能下降，生涯正在走下坡，仲要喺球隊內已被邊緣化。

值得一提嘅係，久保建英嘅身價升幅實在誇張，去年1月嘅時候佢嘅身價就只係50萬歐元，如今升至3000萬歐元，短短年半時間升值60倍，相信未來其身價會繼續上升，真係要稱讚一下皇馬當日呢個收購。