新世代PS5遊戲機除左白色會唔會有其他色系定或者可否換殼？第一個問題似乎已有答案，話說台灣的國家通訊傳播委員會NCC對於新數碼野出售前都要進行審核，而Sony的送檢文件中有人爆料曝光全新黑色版DualSense 無線手制，確認為PS5設備名稱「Wireless Controller（無線控制器），黑色版用色一致將原本黑白的配色對調，以白色按制作點綴。睇嚟正式推出嘅PS5將會有白色以外選擇係可以肯定嘅答案。

今次流出嘅資料來自台灣國家通訊傳播委員會NCC 審核文件，有台灣媒體係 NCC 網站上爆出型號「CFI-ZCT1G」審核文件中，發現一款從未曝光的黑色 DualSense 無線手制。呢款設備名稱「Wireless Controller（無線控制器）」送審驗日期為 7 月 23 日，經過產品外觀比對，產品確認係 PS5 無線手制。

呢個黑色版本 DualSense 同眾所周知嘅白色版本只有些微顏色上差異，黑色版本採用一致黑色調，再以白色按鍵為點綴，配色更加單純。此外，隨附的 USB-C 充電線也一併送檢曝光，不過只係一條常見嘅黑色 USB-C 線。

Sony 尚未回應係唔係會有黑色基本款式 PS5 登場，不過今次睇到兩款 DualSense手制黑色同白色 一齊送驗 NCC，睇來單就台灣市場而言好可能第一批出售的PS5就有白色同黑色系兩種。