今日介紹一間個人好喜歡相當特別嘅音響廠牌丹麥Densen，呢間廠的音響出品定位唔算太貴但非常獨特，設計精美簡約就一個薄薄鋁廂體，同蘋果產品設計有某程度上相同理念，佢擴音機尢其出色音樂感強超慳位。 品牌哲學係「Life is too short for boring Hi-Fi」，如果你的喇叭難以推動想匹配強勁動力有音樂感精緻後級，推薦用Densen，最好全套用哂Densen推動，今年九月丹麥王子將推出 B-310 Limited Edition 兩聲道後級擴音機，價格便宜升級或初入音響深淵，值得試！

Densen後級的外表十年如一，遠看好難分到型號，反正最新版本就可能係最接近完美的版本，聲音特徵係快如閃電的速度感，極具音樂感的情調，出色透明感同時具動態充沛，細節自然而豐富，推動力強勁，可以推到任何喇叭，係聲音同外表無法匹配的低調小巨人。今次新推出B-310LE 限量版後級，改善左電路更精良,配合大電流設計,A/B類每聲道輸出 8 歐姆 100 瓦/4 歐姆 200 瓦。推咩都得心應手。

Densen的後級鋁製機箱設計簡約，打開內裡同日本機好唔同，你會見到用料精良但非常簡單，唔似日本音響排到滿滿塞爆成個機箱。所以中港台自摩用家可能對Densen相當輕蔑，入面咁少料。大東亞音響價值係用料吃飽吃滿，同Densen“纖細”鋁製機櫃完全背道而馳，美感同簡潔對丹麥Densen來講同聲音一樣咁重要！

咁Densen咁細用料又睇落咁簡單有咩特別可以縱橫音響界幾十年？用大中華價值觀你未必驚訝，但實際Densen係靠呢幾項方針營造每一代後級，佢地全線產品都使用SMD表面黏著技術，以全自動的機器生產，精選含銀量高的銲錫，精確度達到0.02。Densen認為全自動的製作可以避免人工操作容易發生的錯誤，或者因為人工接觸元件產生氧化。而放大線路採用所謂DMCD技術，是Densen Mass Current Distribution的縮寫。藉由DMCD技術，可以讓電流隨時存在於輸出端子，在無負迴授線路上達到電流输出阻抗抗低，達到快速的暫態反應。所以佢聲音高速飛快同時非常精準。頻率響應極為寬廣，甚至可延伸到250kHz或 500kHz，聲音細膩豐富。佢地堅持無負迴授線路。Densen相信任何負迴授都會扭曲訊號，造成動態壓縮、微小訊號細節消失、音場扭曲、速度感變慢，所以Densen完全捨棄負迴授。打開睇內裡一定見到綠色鐵弗龍線路板，佢地PCB板全部採用雙面鐵弗龍線路板，一面走訊號，一面接地。對好多DIY音響迷來講一見到呢種板就覺得好cheap，相當睇唔起！Densen廠就講過採用鐵弗龍線路板，未必能達到立竿見影的音質改變，但是可以以保證十年以上PCB板依然完好如新。Densen的產品就是希望使用者能長期使用，而不必擔心機器容易老化，呢個就係採用鐵弗龍線路板的用意。而且佢地一世保修！另一特點係設計用最短路徑。其實呢個係現今所有Hi End音響廠商的共同原則，Densen也不例外，SMD製作對於路徑縮短也有明顯的幫助。當然仲有訂制大環牛！以上幾點係我認為Densen的特點之處。

全新B-310 Limited Edition有咩數據同規格？對唔住，Densen呢間廠相信聲音同盲測，自稱產品推陳出新一定一耳聽得出分別，唔太相信數據，你信就信唔信就唔好信，Densen老闆有兩個係人都知的特別，第一高度自信，你睇佢長期屹立音響界靠的係實力！第二 呢位老細唔憂做唔係靠音響賺錢生產音響只係興趣，所以唔買只係你損失！正如油王艾巴莫域治唔係靠車路士賺錢，搞波只為興趣，所以Densen老闆 Thomas Sillesen其實係我其中一位偶像！