近日武漢萬人玩水活動可見中國抗疫戰已打贏，壞事已過國慶都變成喜慶了！不過中國人點可以忘卻抗疫辛酸，所以中國集結半個娛樂圈之力，拍(打造)出中國抗疫電視劇《在一起》將於國慶檔強勢催淚上映，早前上海10分鐘的預告發表，成班演員未播預告已哭成淚人。據聞呢套造人民英雄的抗疫劇係中華民族到了最危險的時候人民英雄挺身而出「抗疫」生活的可歌可泣故事，睇個名睇製作大家攞定紙巾，肯定無線遲早或同步播放哭崩埋香港觀眾。

呢套抗疫神劇係中國娛樂界大集結，神劇陣容史無前例集結左12位導演和150多位演員，人人零片酬獻身演出，以一個個剖面展現「抗疫」人民的全景畫卷，全劇共分為10個單元20集，分別是《生命的拐點》《擺渡人》《救護者》《同行》《決戰火神山》《搜索》《方艙》《武漢人》《我叫大連》《口罩》。位位參與的分享都喊到講唔到野，全部人感動流淚但絕不忘卻感恩之心。

這部絕對係中國近代史上繼唐山大地震一書，再現災難後的報告文學，將可以讓你看得到的淚眼面以「時代報告劇」方式官方意圖真實反映沒有硝煙的「戰爭」。目前該劇已經完成絕大部分內容的拍攝，預計10月國慶期間與廣大觀眾見面。