喺香港，你覺得屋企唔夠大可以點做？大概都只係得「搵多啲錢搬間大啲嘅」呢個唔多可能嘅選擇；但喺日本，有一家人同樣面對呢個問題，但就決定用設計 (再加走少少法律罅)解決問題，最後更加得出呢間非常有特色嘅「半屋頂」住宅。

圖片：鈴木理考建築都市事務所

卻說東京高橋家一家五口，辛辛苦苦終於儲到錢喺東京買咗塊地起屋，但按政府法規，只能用塊地嘅其中18坪 (約640平方英尺) 可以用黎起樓，即係平均每人分到130尺左右嘅生活空間，明顯地就唔夠。於是爸爸兼兼職漫畫家高橋先生就決定走法律罅——事關日本規定，要有屋頂嘅地方先會計入建築面積，所以佢就決定有半邊屋唔起屋頂、而呢個唔計入建築面積嘅「天井」，就係全家嘅客廳位置。

圖片：鈴木理考建築都市事務所

由於真係冇屋頂，所以客廳位置完全受外界天氣影響，好天曬落雨淋，夏天熱冬天凍，但高橋一家就非常鍾意呢種自由，可以於天井圍住營火食煙、燒烤，又或者觀星、賞月，甚至喺屋企入面擔遮周圍走，將自然帶進家中。

而另外嗰「半邊屋」，地下係飯廳廚房、二樓就係睡房及兩位成年人嘅工作位置。

圖片：鈴木理考建築都市事務所

資料來源：鈴木理考建築都市事務所