近日《花木蘭》電影係亞洲多地戲院上畫加上美國上架Disney+串流頻道，一時間眾所矚目，迪士尼此戰喜樂參半因為花木蘭有頭威交到數但卻被全球四方八面圍攻評擊，最大穫係大多數批評仲來自主要目標市場中國，而且中國911先正式上畫，未上整個中國市場已經出哂影評大多數中國影迷已由不知名途徑1080P高清觀影，卻劣評如潮，人算不如天算估唔到最好票房的倒非中國而是擁有500萬人市場的台灣。面對評擊迪士尼急出招解釋花木蘭大部份為新西蘭拍攝，可惜新西蘭拍攝的電影卻感謝新疆政府，真係不聞機杼聲，惟聞女嘆息！木蘭粉絲唔駛擔心住！911即將到來，中國影迷口裡說不身體可能好誠實，分分鐘票房過十億....末到最後迪士尼對中國還有盼望...

《花木蘭》因為疫情係美國直接跳上新串流頻道Disney+收費觀賞，上星期帶動美國Disney+暴增193%營利。串流上映後，成功攀登觀看排名榜第一位，超越卡通劇集《阿森一族》。而係全球防疫最強的台灣戲院上畫雖然滿城風雨杯葛聲不斷，卻依然在台灣有好票房成功打入三甲更以累計約3400萬元台幣成為台灣新片票房冠軍。以暫時正式上市的數字顯示《花木蘭》係做到野，有數！

之不過全球一片杯葛之聲，包括港、台、泰國等主要地區網路上都有大量杯葛聲音，最神奇係另一個地方中國國內都傳來一片劣評同杯葛聲，兩邊不是人。真人版《花木蘭》海外的新杯葛運動除左劉亦菲去年的政治表態引起關注，最近被發現，電影片尾字幕特別標明致謝中國新疆吐魯番公安局，以及中共新疆維吾爾自治區委員會宣傳部。引發海外人權志士的圍攻。而係中國國內受杯葛則更為奇異，主要除左又係佢主角劉亦菲又講錯野受訪時以「亞裔」稱呼自己，被中國人批不認中國人外，更被內地大多數睇盜版非法觀影者留影評鬧爆「爛片」！ 對迪士尼而言，中國市場被批擊被杯葛其實問題都不大，問題最大係輕鬆流出的全高清盜版，要進入中國市場就要想辦法解決，絕大多數人根本唔駛要比錢就可以享受你的成果，更在免費娛樂後放負評伸多一腳。

如果香港將會上映《花木蘭》，我係度呼籲大家，睇唔睇是自由，但請支持電影原創精神，支持正版。如果你想睇電影，請入場或以正途支持，如果你唔想支持，我支持你的自由，但不要支持侵害版權嘅行為 。