{ SKIP }
文:MenClub 摯樂  圖:互聯網
POSTED ON 15 Sep 2020
【外星生命】金星大氣中發現有死魚臭蟹味毒氣顯示可能有微生物

人類一直想係太空中尋找外星生命體,英美大學研究團隊近日有全新發現,係金星的大氣層中發現氣體「磷化氫」(phosphine),呢個發現代表金星有機會有微生物存在,因為磷化氫係一種類似死魚臭蟹味的毒氣體,地球上相關毒氣由細菌產生,故此呢個發現有可能為未來研究金星是否有生物帶來新突破,不過長路漫漫即使有「積屍氣冥界波」都未必印證到生命甚至高等生命存在,搵唔到天堂入唔到地獄大家準時返工實無死!


今次研究發表由英國曼徹斯特大學、卡迪夫大學以及美國麻省理工學院聯合組成的研究團隊發表,佢地話係金星大氣層中發現「磷化氫」(phosphine),代表金星上或者有微生物,換言之好可能存在生命,不過暫時科學家暫時無法作更進一步證明同解釋原因。


有關研究刊登喺(Nature Astronomy)自然天文學期刊,不過相關研究只係研究人員利用天文望遠鏡對金星進行長期觀測睇到出來,而地球上,磷化氫是一種無色、劇毒、有魚腥臭味的氣體,由細菌係缺氧環境下產生,至於點樣可以用望遠鏡睇到無顏色的臭味氣體我就無法回答到大家,相信如果我知用望遠鏡可以辨別到臭狐,都一定會係個商機!


可以肯定人類一定會繼續探索太空嘅生命跡象,不過有關政府權威就算搵到外太空人,開埋宇宙大會都未必會公開告訴一般地球凡民,否則恐引發地球的社會不穩震蕩。 補返個科普補充資訊,我相信其實大家都無咩心機睇,金星係最接近地球的行星,相距地球約4300萬公里。金星大氣層由氣體組成主要成份係二氧化碳及硫酸雲,由於會產生強烈溫室效應所以金星表面溫度長期保持超過攝氏400度,係太陽系當中最熱的一顆行星,故此科學家一路都認為金星不會有任何生物存在。不過金星人的民間傳說就非常盛行,甚至著名的天才科學家尼古拉·特斯拉一直被傳係金星人,連FBI解密文件檔案都有FBI探員話尼古拉·特斯拉係金星人。

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025