{ SKIP }
文:MenClub 摯樂  圖:互聯網
POSTED ON 28 Sep 2020
【最大機遇】華為毋懼手機業務陣亡進化成汽車業龍頭單挑Tesla

華為手機晶片告急,業務汲汲可危,不過華為唔驚,因為華為轉一轉跑道,全世界都怕左佢,話說去年華為已經展示出汽車業務包括智慧駕駛、智慧駕駛座平台、智慧網路、智慧電氣和雲端服務等所有準備。據內地權威媒體指出華為將打造5G汽車生態圈進軍汽車市場。正所謂「Tesla可以出電動車打到世界市值第一,我『華為』一樣可以!」未來汽車市場就係華為同Tesla的爭鬥。特斯拉能做到的任何事,華為都可以做,除左買外國晶片之外。


唔係講笑,華為要做汽車,全球車廠都汗顏,而絕對無人敢睇小!電話業務就算吧啦,如果真係因為美國晶片封殺而「陣亡」,華為仲有一手好牌大把其他業務。理論上從科技含量同發展實力睇,華為正是美國電動車大廠特斯拉(Tesla)最大的挑戰者。華為由2013年就開始研究以其強項網絡科技開發汽車App。2019年仲正式宣佈成為汽車零組件供應商,成立專注於智慧汽車解決方案的汽車業務部門。華為的汽車業務包括AI智慧駕駛、AI智慧駕駛座平台、5G智慧網絡、智慧電氣和雲端服務等,華為的消費者業務部門,則致力於將汽車APP同華為的其他行動服務相聯繫即使無計劃華為直接生產汽車,但華為輪值董事長徐直軍係上年就已經大膽宣稱,特斯拉能做到的任何事,華為都可以做。


首先,華為會定下目標成為智慧汽車的軟硬體一條龍式供應商,成為主導新世代科技汽車業的龍頭,先劍指德國羅拔·博世公司(Robert Bosch),華為已經一早積極招聘主要汽車廠的人才,轉型可以一瞬之間建立由數千位專業人員組成的汽車團隊。而華為已經係今年5月,同中國一汽集團、長安汽車、上汽集團、北汽集團、比亞迪汽車等18間中國車廠,就5G應用進行合作。截至今年9月,中國20間車廠所生產的150幾種車型,都已經採用華為的HiCar智慧駕駛座平台。該平台類似於蘋果的CarPlay和google的Android Auto。華為表示,到左2021年,使用呢個平台的車型號將超過500台。又係天下將三分成蘋果的CarPlay和google的Android Auto以及華為HiCar智慧駕駛座平台。

根據北汽提供的文件披露,華為最新自動駕駛系統包括三個激光雷達,即基於激光的光探測和測距系統;六個毫米波雷達;12超聲波雷達;和13個相機。該系統由兩台高端Ascend AI晶片驅動。其硬件配置比特斯拉的Model 3更先進。一位接近華為的人士指出,儘管美國實施左貿易禁令,但華為已經有足夠的晶片庫存去支持汽車研究和小規模生產。而華為將會係跳出固有思維,透過旗下汽車操作系統和自家電腦晶片研發等改變汽車業整個遊戲規則,成為市場的主導者。


各位投資者,真係要用內地行業分析師的話點醒大家,內地行業分析師預計,隨著汽車行業轉向採用更高水平的智能,下一次汽車製造熱潮將在兩到三年內到來,華為可能會抓住這個機會一躍而上改變世界。你信唔信?正所謂「要贏人先要贏自己!」你自己都信左,已經贏左!



Netflix劇集《Mindhunter》雖然唔算極受歡近,但口碑極好,但自從第二季於上年8月播出之後,第三季一直都冇聲冇氣,到一月嘅時候三位主要演員Jonathan Groff、Holt McCallany及Anna Torv更加被釋出合約,已經令到Fan ...
hobby
【影視】David Fincher確認《Mindhunter》玩完 「又辛苦又貴!」
25 Oct 2020
《Batman》多年連載中,有好一部份故事係以平行宇宙方式呈現,而由於獨立於正統主線,所以亦能加入更多特別元素。好似Prime 1 Studio出嘅呢隻1/3 Museum Masterline 「Batman: Merciless」就係其中一個啦。 ...
hobby
【玩物】當蝙蝠俠擁有戰神之力 Prime 1 Studio 「Batman: Merciless」雕像 ...
23 Oct 2020