日本環球影城 (USJ) 與任天堂合作嘅新園區「Super Nintendo World」原定於今年7月開幕，但因為大家都知嘅原因，所以6月尾嘅時候就宣佈無限期延遲開幕。不過根據 (USJ) 嘅最新公告，「Super Nintendo World」將定於2021年春天正式開幕！

公告中除咗確認「Super Nintendo World」嘅開幕日期，同時亦公佈新園區開幕後，入場人士將會獲發一條智能手帶，加上手機App就可以於園區內收集金幣。同時任天堂亦會於USJ內嘅荷里活園區開設以Super Mario為主題嘅Cafe，販售如Mario、Luigi主題班戟三文治、特色飲品，以及蘑菇水樽、T恤、銀包、攬枕等週邊。