大家平時上網都知，依家好多內容單單有字有圖已經唔能夠滿足大家嘅要求，更多會有嘅係影片，甚至係動態影像 (Motion Graphic)。但一來大家對呢方面認知不足，二來要培育一個動態影像嘅人材，其實需要好多資源，淨係學費都好襟計。有見及此，有發展商就聯同本地知名動態影像設計公司，推出專為年青人而設嘅課程，不單止費用全免，仲有進修資助。及後參與實踐項目更能平分最多HK$12萬獎金。

由信和及eMotionLAB聯手推出嘅「Feel the Motion」計劃主要分為兩個階段，第一個係分別於10月17及24日免費舉行嘅「業界專家分享」及「大師講座」，等有意投身此行嘅大眾更了解動態影像行業。而第二階段嘅「創意教學工作坊」，就係為期四個月、名額只限30個嘅12堂網上動態影像設計課程，學員將會於導師一對一指導完成作業，費用全免之餘仲有HK$5000進修資助。

學員完成課程後，亦可以參加「實踐項目」，其作品有機會登上信和旗下，尖沙咀中心及帝國中心外牆多媒體幕牆，亦可以平分HK$12萬獎金。

如果大家都有興趣報名參加，就可以去Feel the Motion官網睇下啦！