{ SKIP }
文:MenClub 摯樂  圖:互聯網
POSTED ON 09 Oct 2020
【軍事星鏈】SpaceX 取得太空總署軍事合約研制洲際導彈追蹤防禦衛星

Elon Musk係當世奇材,就如歷史上的特斯拉一樣身為美國人點會唔為美國政府有所貢獻,當然美國對商家好照顧,唔會將你收歸國營一定畀足錢。SpaceX作為民營的太空探索企業,自然有機會為國為民建築軍用事業,美國太空總署就剛剛簽左1.49億美元的合約,讓Elon Musk SpaceX為美國國防部研發追蹤洲際飛彈的防禦衛星。即類似當年美國總統列根推出的「星戰計畫」, 利用Starlink衛星網監察並攔截的敵人嘅導彈。邊個係美國敵國?你話呢?

 

如果你夠老可能聽過前美國總統列根推出的「星戰計畫」,不過當年的星戰計畫就好似科幻電影一樣,無可達成的技術基礎。但今時唔同往日,Space X 的Starlink衛星建築令星戰計畫的類似構想已不是天方夜譚,而是有實行的可行性。美國太空總署目前正發展追蹤洲際彈道飛彈(intercontinental ballistic missiles,ICBM)衛星技術的第一階段,洲際彈道飛彈會進入大氣層外次軌道太空飛行,這個階段採慣性飛行,並不啟動推進器,因此無對外釋出物質,唔易被偵測,之後再進入大氣層,以極快的速度俯衝往下,所以過去追蹤有相當難度,尤其飛彈發展多彈頭技術,一分為多之後更難全數追蹤攔截。不過而家各領域科技都較以前有大幅進步情況下,飛彈追蹤的技術門檻已相對下降。

 

SpaceX 目前正積極發展 Starlink 低軌道衛星群全球高速網際網路,為左呢個目標正量產衛星大量發射,因此成為美國太空總署為國防部研制飛彈追蹤衛星的選擇,SpaceX 接左美國太空總署合約後,將利用雷德蒙的 Starlink 衛星製造工廠製造 4 粒衛星,上頭配備廣角紅外線飛彈追蹤感測器,感測器將由外判廠商提供。

 

此外,國防承包商 L3 Harris Technologies 都取得美國太空總署另外 1.93 億美元合約,建造另外 4 粒衛星。SpaceX 與 L3 Harris Technologies 的 4 粒衛星都預定 2022 年秋季交貨。不過呢次並非 Starlink 計畫第一次為 SpaceX 取得國防類合同,2019 年時美國空軍發包 2,800 萬美元計畫,以 Starlink 衛星網路測試軍機的加密網路。不過空軍本身並未採購 Starlink 衛星。反正SpaceX 同Elon Musk都係美國人,效忠的對象國家好肯定係美國優先。

 

唔知美國以外其他國家例如中國、白俄羅斯、緬甸、俄羅斯等26個國家,會唔會齊齊高調對美國侵犯地球搞Starlink 軍事化,要求立即徹底取消單邊強制研發,對太空系統性軍事科技表示嚴重關切。



之前同大家報導過,Metacritic玩家評分僅為5.7、一出就被人鬧到爆嘅《The Last of Us Part II》獲得The Game Award 2020嘅10項提名,大家應該都覺得難以接受。但近日《The Last of Us Part II》於標榜係公眾投票嘅英 ...
hobby
【玩物】《The Last of Us Part II》奪金搖桿年度遊戲、最佳劇情
25 Nov 2020
Netflix大熱系列《Crown (王冠)》以及Netflix歷年來最多一睇嘅迷你劇集《Queen's Gamit (后翼棄兵)》除咗劇情好睇之外,亦係以靚人靚景靚衫聞名,而且戲服設計更加與角色嘅心景、年齡以及現實 (《Crown》系列)有所呼 ...
hobby
【影視】Netflix x 布魯克林博物館 《王冠》及《后翼棄兵》戲服長線上展 ...
25 Nov 2020