{ SKIP }
文:MenClub 魏文青  
POSTED ON 09 Oct 2020

美國本土戲院重開無期,令聖誕檔期前大家都冇戲好睇,可以話係片方、院線、觀眾「三輸」。但其實仲有一個方法係片方同觀眾唔使輸 (至少唔使輸得咁多),就係好似Disney咁將《Mulan》直接放上線上平台。而Disney最新宣佈,旗下動畫公司Pixar嘅新戲,都會採用同一策略。

Disney昨日發出公告,指「過去6個月的疫情令市道艱難,但同時亦創造發放內容嘅新方法」,而「第一年就已經有6000萬訂閱者嘅Disney+ 就係讓家庭及Fans們喺屋企收看Pixar最新作品嘅好方法」。同時Disney電影嘅官方Twitter亦發文,確認Pixar新作《Soul》將會於聖誕節當日於Disney+獨家上線,換言之 (至少於美國市場)《Soul》並不會於戲院上映。至於未有Disney+嘅地方 (例如香港),Disney就話會繼續尋求於戲院上映嘅方法。

直接於線上平台發放,對觀眾黎講起碼都叫有戲睇,對片方黎講亦可以帶動自家線上平台嘅人流,如果好似《Mulan》咁係畀錢訂閱咗Disney+都仲要再加30美金買先有得睇,仲有額外收入添,比起一味延期可能係除笨有精嘅選擇。但如果越黎越多電影選擇直接於線上平台發放,戲院就更加冇重開嘅理由,可能直接加速院線結業潮;而觀眾亦要犧牲部份觀看體驗 (畢竟用電話睇同去戲院睇係好唔同嘅)。

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025