咩都學人拍真人版電影的荷里活果然要出手了，將會結合電腦CGI加真人拍攝真人版《湯瑪士小火車》，類似《超音鼠》同《POKÉMON 名偵探皮卡丘》，由《地球末日戰》（World War Z）導演Marc Forster執導。老老實實唔駛多講，如果我係淫審處，睇見真人版Thomas火車朋友同肥控制員，一定評佢三級，二級為「不雅」三級為「淫褻」，一諗起火車頭朋友們的真人樣，「三級」啦！

電影由著名玩具商Mattel贊助拍攝，由導演馬可·科士打 (Marc Forster)  旗下製片公司 2Dux² 合作，將懷舊卡通《湯瑪士小火車》的真人版電影再一次重新帶上大銀幕，據說劇本已經完成，觀眾將會欣賞到起碼同《超音鼠》及《POKÉMON 名偵探皮卡丘》同級的電腦 CGI 動畫製作，配合真人級演出， 諗起都興奮。

當然導演馬可·科士打先係最興奮，佢表示「從小便開始，《湯瑪士小火車》一直都是我的最愛。對於能夠和Robbie Brenner及Mattel公司一齊著手進行呢項計畫，我感到非常興奮。」監製Robbie Brenner就提到「《湯瑪士小火車》係一部全球受到歡迎的卡通，劇情主軸聚焦係『友情』，也是個能獲得小朋友與家長共鳴的主題。而馬可·科士打係一位極佳的敘事者，我非常期待同佢用一個現代且出乎意料的方式，講述湯瑪士的新故事。」

 好多人未必知道呢部實際上並非《湯瑪士小火車》首部真人版電影！2000 年時《湯瑪士小火車》就曾推出過一部真人版電影《湯瑪士小火車：湯瑪士和神奇鐵路》(Thomas and the Magic Railroad)由艾力·寶雲飾演司機先生，不過當年1900 萬美金成本製作的電影，最後僅在全球創下 1970 萬美金的票房。對了，大家係咪全部都認識相貌奇特有趣古怪的《湯瑪士小火車》呢？呢部係由Wilbert與Chirstopher Awdry 一對父子所創作的兒童故事書系列， 1945 年正式發行，如今已經問世的 75 週年，而《湯瑪士小火車》的動畫系列至今已推出了 24 季。深受家長同小朋友的歡迎，但好多大朋友對佢的火車們外貌表情都深表疑惑。

唔知到時上映大家會唔會入場支持一下，我就覺得概念已經好可怕，小朋友嘅動畫還是讓他做回小朋友的動畫吧。