《機動武鬥傳》入面除左主角杜門卡遜受歡迎之外，其師傅東方不敗雖然作為一名亦正亦邪嘅角式，但卻得到唔少Fans嘅芳心，因為其骨子裡都係一名真男人！

過去有關東方不敗嘅商品有唔少，而今次日本COSPA公司推出「流派東方不敗四角合身底橫」，作為一名真男人真係唔少得。呢條底橫正面印有東方不敗嘅剪影，配上以書法字體呈現嘅經典名句，後面則印有「流派東方不敗」，唔知著左之後係咪可以使出「石破天驚拳」呢?

以上呢條東方不敗底橫售價為 2,300 日圓，預計今年12月下旬出貨，有興趣嘅朋友可以預購。