我近排成日同大家報啲咩票房失利、電影延期、院線停業，好似講到個電影市場好差咁呀可？咁實際上因為北美票房拖累，全球票房都都係差架啦，但唯獨有一個國家就跑贏大市，仲有可能取代北美，成為今年全球最大電影票房添。你估下係邊個國家？

圖片：截圖自貓眼

當然就係人口勁多，戲院又開返，國家又同你講「冇事！」嘅中國啦。據《The Variety》報導，上週中國票房為6800萬美金(下同)，亦令本年度中國累積票房達到19億；而同時期美國本土票只係得區區950萬，累積票房為20.8億，換言之如果北美票房走勢冇改變 (亦應該唔會點變)，中國於一兩個禮物內就會超越美國，成為本年度最大電影市場。

圖片：Wikipedia