假設你的家族長輩已經創出一番事業，含住金條出世的你大概會覺自己理所當然要打理家族生意。但呢個世界偏偏有啲人鍾意另辟蹊徑，搵出一條屬於自己的路。就如即將於11月初一連三日接管中環高級餐廳及酒吧SEVVA、推出限定菜單及雞尾酒的Christopher Ho及Dr.Nic，就是靠自己的實力殺出一條新路。

Chef Ho (左)、SEVVA創辦人郭志怡 (中)、Dr.Nic (右)

Chef Ho與Dr.Nic為兩姐弟，弟弟Chef Ho曾跟隨Eric Raty (香港Arbor) 、Eelke Plasmeijer (峇里Locavore)、Ben Spalding (倫敦Ledbury) 等一眾名廚學習，融會出集東西方飲食文化於一身的廚藝，成為香港廚界近年的新星。今次他為SEVVA創作的期間限定六道菜菜單「The Young, Dynamic & The Restless」，亦用上廣東話拼音為菜色命名，例如前菜「Taat」就真係一個「撻」，不過係用上鮑魚、蟹肉配魚子醬嘅鹹食；「Gaap」就係鴿胸、四川花椒配栗子；「Choi」就係絲瓜、紫芋、南瓜配黑木耳。

主菜「#Ho La Ho Sando」係和牛三文治、而甜品「Ling Mong Cha」就唔係真係一杯茶，而係將檸檬凝乳、香草及陳皮注入路易波士茶製成的酥餅。

Taat

Gaap

Choi

而姐姐Dr.Nic本業真係一個醫生黎，但於調酒界依然甚有名氣，並會為弟弟的每道菜配上相應的雞尾酒，完滿整個餐飲過程。例如「#Ho La Ho Sando」就配上以波本酒配檸檬茶糖漿及檸檬嘅「Honkie Sour」；而叫做「Ling Mong Cha」嘅甜點就配零陵香豆伏特加混合咖啡豆甜酒、意大利甜酒及意式濃縮咖啡嘅「2 Bean Martini」。

SEVVA

地址: 中環遮打道10號太子大廈25樓

電話： (852) 2537 1388