{ SKIP }
文:MenClub 摯樂  圖:互聯網
POSTED ON 19 Oct 2020
【太空玩手機】NASA 與諾基亞合作鋪設月球 4G 網絡高速通訊

嫦娥終於可以玩微信啦!NASA同諾基亞合作將會係月球鋪設  4G-LTE 網絡,以後太空人係月球彈跳同駕駛月球探測車可以做直播,大家可以對太空人直播作支持「六部曲」畀Like share建設性留言月費贊助,唔講唔知原來4G 係月球運作得比地球更加好,因為唔會好像地球咁多人造物干擾 4G 訊號,日後仲會升級成為月球5G,當然NASA肯定唔會用華為5G硬件。


去到月亮日後將會收到手機訊號,美國太空總署正為月球鋪設4G網絡,整個計劃的目標係實現2028年建築月球基地,並希望最終人類有可能係月球生活。整個計劃唔止建設4G網絡,仲會發展月亮上其他科技建設,例如遙距發電,極低溫冷凍、機械人技術、安全著陸……等等,而驚人地NASA只需向十幾間公司撥款 3.7 億美元,絕對平過明日大嶼建設。 


NASA 表示,目前月球上使用無線電通訊標準,4G 可以提供更可靠的長距離通訊。同地球一樣,4G 網路最終將升級去 5G。諾基亞(Nokia)旗下貝爾實驗室(Bell Labs)獲得相關項目提供的 1,410 萬美元資金。原本隸屬於 AT&T 之下的貝爾實驗室將與太空飛行工程公司 Intuitive Machines 合作,構建 4G-LTE 網路。


地球 4G 網路係由具備巨大發電機與無線電的巨型蜂巢式基站支持,但貝爾實驗室協助開發左新小型基站(Small Cell)技術,雖然其覆蓋範圍比較受限,但比傳統蜂巢式基站的耗電量細得多,而且更容易安裝係火箭太空船上。呢類小型基站技術目前已部署應用於全球 5G 網路。而月球小型蜂巢式網絡會經過特別設計,以承受月球表面的獨特狀況:極端溫度、輻射和太空真空狀態。即使係月球上登陸或發射時,火箭明顯造成月球表面的震動狀況,網絡都可以保持正常運作。


貝爾實驗室表示,成功建設網絡之後,太空人第一個任務係建立月球版 Google 地圖,利用月球探測車影低月球的野外路況。月球同地球即將網絡相連,過去移左民的人係外國座移民監叫做太空人,隨著科技發達就算真係做太空人係月球都可以隨時4G甚至5G通訊。



雖然Google自家硬件產品深受唔少粉絲歡迎,但佢哋一直以嚟主要透過官網同其他零售商銷售,極其量都係開下快閃店,從未有過一間實體門市。早前Google就終於宣布喺紐約曼哈頓區設立全球首間實體門市「Google Store Che ...
hobby
【科技】全球首間Google實體門市將於紐約開幕
17 Jun 2021
相信大部份人都鍾意聽歌,最舒服莫過於攤喺梳化聽住心儀嘅歌曲,奈何唔係咁多人屋企放得落大大部嘅落地/書架式喇叭,必須喺尺寸同音質之間作出取捨。今次IKEA就聯乘美國智能音響品牌SONOS向「高空」發展,推出既係音 ...
hobby
【家居】IKEA x SONOS 推出超薄畫框式Wi-Fi喇叭
17 Jun 2021