24歲的工程師 Rashiq Zahid 開發左一個網站「McBroken」（麥壞左）大熱，網站實時紀錄全美國過萬間麥當勞雪糕機的故障狀態，事緣佢想食「麥旋風」慘遇雪糕機壞左，於是就激鬼氣化悲憤為力量開發「McBroken」（麥壞左）網站即時監察鎖定美國約 1 萬間麥當勞門市建構全國雪糕機故障分布圖，即時更新各地門市狀態，實際上我認為佢係一名駭客運用 Python 和 JavaScript 建構網站，對麥當勞的 Android 自動售賣 app 內部 API 進行逆向工程，佢寫左一個機器人 API 串接，每分鐘會自動將雪糕加入麥當勞點餐 app 購物車，從而得出即時每間鋪雪糕機有無故障，開誠佈公，結果麥當勞公關係新世代無鬧佢不特只仲讚賞佢為真﹒麥記雪糕愛好者！

如果你行入麥當勞冇得食麥旋風會點做呢？ 軟體工程師 Rashiq Zahid 就做左一件利害的事，創立「McBroken」（麥壞左），令美國人可以實時知道任何一間麥當勞雪糕機即時故障情況，網站上線後引起熱烈迴響！McBroken 網站主要鎖定美國約 1 萬間麥當勞門市即時更新各地門市的狀態，如果邊間門市機器運作正常就會顯示綠點，故障就會以紅點標示。網站上的分布圖清楚標示各門市所在位置和地址、機器運作狀態及更新時間；右側欄位會顯示當前全美國各地門市雪糕機的故障百分比。統計顯示全美麥當勞共有近一成門市出現機器故障情形，美國費城嘅故障率特別高為 25.81 ％(以寫本文時結算！)。

Rashiq Zahid公開佢數據獲得方法，主要運用 Python 和 JavaScript 建構網站，並對麥當勞的 Android 落餐 app 內部 API 進行逆向工程。為左掌握各門市雪糕機的運作狀況，佢寫左一個機器人 API 串接，每分鐘會自動將雪糕加入麥當勞點餐 app 購物車，不過據說實際操作比預想中複雜得多，因為呢種執行方式會被 app 判定為機械入侵而遭到封鎖。不過作為一個工程師又點會放棄，佢成功將控制購物車加入雪糕的頻率由每分鐘改為每 30 分鐘就唔會遭到系統阻擋。而佢又可以成功即時監視到各門市的機器故障情形，採集數據的電腦式點餐只係落購物車並無實際落單，所以唔會有浪費出現！

意料之外嘅事情係網站只上線短短 20 分鐘，就湧入超過 1 萬位訪客，導致網站流量爆增一度癱瘓，後來問題排除，網站online四日互動次數已高達約 1,600 萬次、不重複訪客超過 150 萬。網站係美國掀起唔小迴響，Rashiq Zahid自己都無諗過，竟然有咁多人對了解雪糕機現況有需求，甚至有其他國家的網友希望 Rashiq Zahid 可以為其他地區開發雪糕機故障分布圖。

Carl, I’m impressed

Yes, this does check out with the assumption that the restaurant marks the product at the store level “unavailable” when the ice cream machine goes down & marks it “available” when the machine comes back online. I saw one down I was unaware of & got it fixed

— McD Truth (@McD_Truth) October 22, 2020

McBroken 上線之後引發熱烈討論，原來好多人以為麥當勞會好嬲要求 McBroken 下架，不過新世代的公關自有新玩法，美國麥當勞傳播部副總經理 David Tovar 轉推 Rashiq Zahid 發文表示感謝，更加大讚只有真麥當勞粉絲先會做到呢種程度，讓更多人有機會品嘗到美味的雪糕。據說麥當勞雪糕機成日壞係因為機械加熱清洗嘅程序複雜耗時，美國麥當勞指引會每24小時加熱清洗一次， 而每次都要花四小時經十一度程序清潔殺菌，唔少美國門市係24小時營業， 所以只能夠選擇喺非繁忙時間進行清潔， 故此大家可能因此經常會遇到雪糕機故障。不過大家唔需要覺得麥當勞好認真好掂，因為呢度講美國麥當勞，而香港麥當勞係由中國中信資本金洪門餐廳管理，並不表示同美國麥當奴完全一樣。