科技真係日新月異，美國麻省理工學院有科研團隊發表論文指已開發一種單憑咳嗽聲就可以利用AI搵出新冠肺炎患者的裝置，如果整合去電話程式或智能喇叭，就可以非常簡單遙距進行測試，準確度為 98.5%幫助初步搵出病患者，當然如果你過關行過都可以叫大家隔開安全距離一字排開，一人試咳幾下以食神式(爭咩呀,溝埋黎做濑尿呀笨)篩選中招病患！

人工智能做到嘅嘢可能係大家想像唔到，包括篩選新冠肺炎病患者，據麻省理工學院的科研團隊早前於生物醫藥期刊《IEEE Journal of Engineering in Medicine and Biology》發表的論文，佢地開發面左一個可以靠咳嗽聲，就篩選出新冠肺炎病患者的人工智能裝置，只要整合到手機程式或智能喇叭，就能夠非常簡單進行測試。

麻省理工學院研究過程中收集了約 20 萬個、來自 7 萬位志願者的咳嗽聲，測試者以手機錄低乾咳聲，並且填寫有關症狀的問卷調查，包括是否有感染武漢肺炎和其他詳情。結果團隊選取了 2,500 名確診感染志願者的咳嗽聲樣本，配合另外 2,500 個隨機的樣本，去訓練和測試人工智能裝置。

令人驚奇嘅係呢個人工智能裝置係辨認武漢肺炎確診者的咳嗽聲方面驚人成效，準確度為 98.5%；而無症狀咳嗽者的準確度更達 100%。點解可以分別到？該人工智能裝置會透過聲帶強度、情緒、肺部和呼吸反應，以及因為新冠肺炎的肌肉降解等 4 項生物標記作分析。麻省理工學院科研團隊表示會將程式免費開源，並同多間醫院合作，希望可以擴大咳嗽聲資料庫，進一步訓練人工智能。

比個網站你，你都可以去幫手咳下睇下交個數據出來！

https://opensigma.mit.edu/