蘋果指小部份 AirPods 用家有聲音問題，例如係吵雜環境、運動或講電話時，出現明顯的爆裂聲、雜音以及主動式降噪失靈，如缺少低音或背景聲增大等，廠方近日公告會提供免費的維修或更換，不過只能夠係 2020 年 10 月前製造的AirPods Pro，唔知大家所用的AirPods Pro有無問題呢？定還是有問題你都唔知覺得小小爆聲怪聲係好正常的事！

根據蘋果公告，受影響的 AirPods Pro 會發生兩種聲音問題：一、吵雜環境、運動或講電話時，出現明顯的爆裂聲、雜音；其次，主動式降噪失靈，如缺少低音或背景聲增大。假如閣下 AirPods Pro係2020年10月前出產製造，即絕大部份的用家，而你耳機又有以上提到的問題，咁你就可以去Apple、Apple 授權維修中心的免費維修（左耳、右耳或雙耳）。

以下源自蘋果官方公告：

選擇下面其中一個維修服務選項以維修您的 AirPods Pro。在進行任何維修服務前，我們會先檢查您的 AirPods Pro，以確認其符合本方案的資格。確認有問題的 AirPods Pro（左耳、右耳或雙耳）將會被更換。AirPods Pro 的充電盒未受影響，將不進行更換。

蘋果同時提醒消費者，呢項全球性 Apple 維修方案並不會延長 AirPods Pro 的標準保養範圍：「本方案涵蓋裝置首次零售之後 2 年期間受影響的 AirPods Pro。」。

實際上，呢個並非AirPods Pro及蘋果耳機第一次遇到質量問題，1月份時就有用家聲稱係固件更新後導致降噪效果降低。幾個月來，用家一直係向ANC報告靜態和爆裂的聲音及問題，所以今時今日蘋果公司先意識到呢一個重大問題並提供免費維修。當然可以知錯能改又願意免費為大家補返個鑊，蘋果的名譽係至少保得住，相信大家都依然會期待佢最新嘅AirPods新改款會係咩野樣！