好快大家就會迎接2021年，今時今日唔好話問一班後生識唔識四大天王，亦都唔好話「而我不知道陳偉霆」是誰，而家其實香港後生一輩好多已經唔知邊個係周杰倫 - 一位才華橫溢嘅台灣流行曲天王。

縱觀華語樂壇，好少歌⼿可以創造出⼀個完整嘅⾳樂體系，亦都無乜邊個嘅創作可以開啟⼀個新時代，但其中周杰倫就係少數：以中⻄合璧嘅編曲、夥拍⽅⽂⼭詩意歌詞，將古典東⽅美學帶進主流市場；打破當年華語⾳樂主題嘅局限，以⼀⾸⾸異國風情作品帶領樂迷穿越時空，走進其奇幻異想世界；別樹⼀格嘅嗓⾳與發聲，顛覆樂迷對中⽂饒⾆⾳樂嘅想像，更成為其後不少華語 Rappers嘅啟蒙。

為慶祝周杰倫出道⼆⼗周年，Apple Music 近日就以「杰倫宇宙」為題，帶領樂迷從不同⾓度重溫其⾳樂⽣涯；同時精選各類歌單，重現其創作、製作、合作以⾄現場演出，穿梭其⾳樂⼋度空間嘅每⼀⾯。

1.解構獨⼀無⼆中國風：

周杰倫嘅中國風⾳樂，唔單止描繪其⼼中對東⽅⽂化嘅嚮往，亦都為華語流⾏⾳樂搵到⼀種全新表達⽅式。早期結合 R&B 與 Nu-Metal 等⻄⽅曲式嘅《娘⼦》、《上海⼀九四三》、《雙截棍》等，已為其「周⽒中國風」嘅基本輪廓，第四張專輯中嘅《東風破》則正式向歌迷示範。2007 年《⻘花瓷》、《東風破》將傳統樂器及寄物抒情等各種古典元素運⽤得淋漓盡致，盡現東⽅美學概念；在《爺爺泡的茶》、《霍元甲》中，周杰倫亦展現出不被「中國風」框架局限、⾃由揮灑嘅決⼼。

2. ⾳樂營造不⼀樣的世界觀：

周杰倫嘅⾳樂，最⼤魅⼒可能只係以詞、曲就可以建構出瑰麗畫⾯、奇幻意境，並呈現觸碰⽂化脈絡、⼈⽂共識嘅時空穿梭感。20 年間，其歌曲帶領歌迷遊歷世界（如《印第安老斑鳩》、《⽶蘭的⼩鐵匠》），穿越⽂化過去（如觸碰古巴比倫⽂明嘅《愛在⻄元前》），進入遊戲異域（如充滿想象⾊彩嘅《半獸⼈》、《最後的戰役》、《⿓戰騎⼠》），或溫情舊時光（如《上海⼀九四三》），完成對古典嘅致敬及對未來嘅樂觀冒險。除左在導演及說書⼈兩個⾝份之間遊走，周杰倫亦化⾝唔同劇本嘅主⾓，可以係正義善良嘅⽜仔（《⽜仔很忙》），亦可以係深入倫敦令⼈驚懼嘅夜⾊中探求真相（《夜的第七章》）。

3. 讓 Hip Hop 打進流⾏殿堂：

雖然話周杰倫並唔會以 rapper ⾃居，但無疑佢嘅饒⾆作品已經顛覆⼤家對主流⾳樂嘅想像，亦啟蒙唔少後輩歌⼿。從⾸張專輯開始，佢已經以《娘⼦》將 Rap 帶入主流樂壇，《忍者》、《⿓拳》連珠炮發(可能無乜人聽到佢唱咩歌詞)咁嘅唸誦歌詞，拉闊左中⽂歌詞嘅律動空間。⽽其 Rap 作品當中處處流露東⽅元素，如棋盤上嘅《將軍》調兵遣將、武術館嘅《雙截棍》揮灑⾃如，《本草綱⽬》入面對中草藥醫學嘅歌頌，新奇⽽流利嘅斷句流露出完全唔⼀樣嘅美感，就算今日聽番仍然歷久常新。

4. ⾳樂編輯精選歌單：周杰倫的創作深度遊

有⼈話：周杰倫嘅頭四張專輯已經⾜以讓⼈聽⼀世；亦有⼈話，周杰倫嘅真正才華⾒於每張專輯嘅B ⾯。不過無論邊一種說法，都只代表著周杰倫⾳樂全貌入面嘅其中一部份。

「周⽒情歌」如《簡單愛》、《告⽩氣球》，或《東風破》、《髮如雪》等中國風經典，都係隨便⼀句歌詞就足以令⼤家想起旋律嘅「周杰倫代表作」；雙副歌嘅《她的睫⽑》、異國風情嘅《⽜仔很忙》等「周杰倫：非主打好歌」則藏着獨具⼀格嘅創作巧思，等你進⼀步探索；唯有「深度聆聽周杰倫」，感受其抒情中⽂歌世界，如何讓他逐步站穩華語樂壇的流⾏天王地位。從琅琅上⼝到冷⾨前衛，Apple Music 多張精選歌單都為你呈現周杰倫⾳樂軌跡，令你全⽅位穿梭佢嘅⾳樂世界。

5. 探索周杰倫的幕後宇宙

成為華語樂壇殿堂級歌⼿之前，初出道嘅周杰倫就已經為張學友、李玫等作曲，成名後佢亦不吝嗇⾃⼰嘅創作⼒量，曾經為蔡依林、陳奕迅分別寫左《倒帶》以及《淘汰》，並同時擔任製作⼈，將強烈個⼈⾊彩復刻到蔡依林嘅《布拉格廣場》及 S.H.E 的《安靜了》 中。從⾳樂靈感、創作層⾯出發，Apple Music 以四個主題精選不同好歌，「周杰倫的創作」、「周杰倫的製作精選」帶⼤家窺探他的幕後⾝影；「周杰倫：靈感來源」、「受周杰倫啟發作品」則以承先啟後嘅⾓度展現周杰倫嘅獨特魅⼒。

6. 周杰倫親⾃嚮導：⾳樂伴我走過的⼀天

曾擔任 Apple Music ⾳樂向導嘅周杰倫，為歌迷策劃左「周杰倫的⼀天」主題歌單，分別以⽩⽇夢、運動、遊戲和家庭為主題，分享⼼頭摯愛好歌。有關⾸張歌單，周杰倫咁樣解釋揀嘅歌：「常常在夜深⼈靜、或創作的時候，我就會天⾺⾏空地發揮想像⼒，想像⾃⼰有《超能⼒》無所不能、乘搭《時光機》做《星際旅⾏》，想像⾃⼰係超⼈《Fly Tonight》但其實不會⾶，甚⾄想像美⼈⿂、李⽩、⽜仔和公公組隊穿過《任意⾨》到《⽉球漫步》。聽到⽩⽇夢歌單裏的歌曲後，你亦可以花⼀點⼼思，多點幽默感，⾳樂就可以為⽣活帶黎唔少樂趣喔！」樂迷唔單止能以此解析周杰倫本⼈妙想奇思的創作背後的靈感來源，也得以⼀窺他⽇常⽣活與精神世界的斑斕側⾯。

希望今次之後，你會知道周杰倫究竟係邊個啦。